“მანჩესტერ იუნაიტედმა” ოფიციალურად დაადასტურა, რომ ლუი ვან გაალთან თანამშრომლობის გაგრძელებას აღარ აპირებს. კლუბის ვებ-გვერდზე მანჩესტერელთა ვიცე-პრეზიდენტის ედ ვუდვორდის განცხადება გაჩნდა და ისიც წერია, რომ ჰოლანდიელი მწვრთნელის შემცვლელის ვინაობა უახლოეს პერიოდში გახდება ცნობილი.

“მინდა, ვან გაალს და მის თანაშემწეებს მადლობა გადავუხადო გასული 2 წლის განმავლობაში გაწეული სამუშაოს გამო, რისი კულმინაციაც ინგლისის თასზე მე-12 გამარჯვება გახდა. ლუი აქ პროფესიონალურად და ღირსეულად მუშაობდა და თავის წარმოჩენის საშუალება არაერთ ახალგაზრდა ფეხბურთელს მისცა. კლუბი მას სამომავლოდ წარმატებას უსურვებს”, - განაცხადა ვუდვორდმა.