21-30 მაისს იტალიის ქალაქ კატანიაში საპლაჟო ფეხბურთში ევროპის ჩემპიონთა თასის გათამაშება გაიმართება. ტურნირზე, ევროპის წამყვანი ქვეყნების ჩემპიონი და თასის მფლობელი გუნდები მიიღებენ მონაწეობას. ბათუმის "დინამო" საქართველოს 2015 წლის ჩემპიონი გუნდის სტატუსითაა მიწვეული.
ბათუმელები ქვეჯგუფში ესტონეთის, პოლონეთისა და უკრაინის ჩემპიონ გუნდებს დაუპირისპირდებიან. პირველ შეხვედრას დინამოელები 23 მაისს ესტონელების წინააღმდეგ გამართავენ. “დინამო” ტურნირზე ქალაქ ბათუმის მერიის დაფინანსებით და კომპანია “მეტრო ჯორჯიას” მხარდაჭერით გაემგზავრება.
