რუსულ კირიშიში მიმდინარე პრესტიჟულ საჭადრაკო ტურნირზე “მსოფლიოს ახალგაზრდა ვარსკვლავები” წარმატებულად თამაშობს შეჯიბრის ერთადერთი გოგონა მონაწილე – ქართველი ნინო ხომერიკი (2304).

ახალგაზრდულ მემორიალზე 3 ტური მიილია, ხომერიკს კი 2.5 ქულა აქვს და გერმანელ დმიტრი კოლარსთან (2470) და რუს სემიონ ლომასოვთან (2342) ერთად, პირველ-მესამე ადგილებს ინაწილებს.

მე-3 ტურში ხომერიკმა თეთრი ფიგურებით აზერბაიჯანელი აბდულა გადიმბაილი (2330) დაამარცხა, მე-4 ტურში კი შავებით ხსენებულ კოლარსს გაეჯიბრება, რომელსაც ტურნირზე პირველი განთესვა გააჩნია.

“მსოფლიოს ახალგაზრდა ვარსკვლავები” 11 ტურად მიმდინარეობს და 28 მაისს დასრულდება.