ესპანური “ბარსელონა” მომავალ ზაფხულს დიდ ცვლილებებს გეგმავს და როგორც სჩანს, პირველ რიგში სიახლეს მთავარ მწვრთნელთან დაკავშირებით ვიხილავთ.

კატალონიელებმა უკვე მოსინჯეს ნიადაგი დევიდ ბლატთან, რომლის მიმართ დაინტერესებას “ნიუ იორკი” და “ჰიუსტონიც” გამოთქვამენ. კიდევ უფრო რეალურია “ბარსაში” ლიტველი შარუნას იასეკივიჩიუსის დანიშვნა. კატალონიელთა ყოფილმა მოთამაშემ 2016 წლის დასაწყისში “ჟალგირისი” ჩაიბარა და კაუნასელებთან ერთად ცუდი შედეგები ნამდვილად არ ჰქონია.

გარდა ამისა, “ბარსელონას” ყურადღების სფეროში “ლაბორალ კუჩას” ამერიკელი გამთამაშებელი დარიუს ადამსი მოექცა. ადამსი, რომელიც ესპანეთის ჩემპიონატში საშუალოდ 17.3 ქულას, 2.7 მოხსნას და 2.8 პასს აგროვებს, კარლოს აროიოს შემცვლელად მოიაზრება. ეს უკანასკნელი ზაფხულში კატალონიური კლუბის დატოვებას აპირებს.