კალათბურთი

13:46 | 16.05.2016 | ნანახია [] - ჯერ

ცსკა-მ ევროლიგა მეშვიდედ მოიგო (+VIDEO)

“ევროლიგის” ფინალში ცსკა-მ “ფენერბახჩე” 101:96 დაამარცხა და რუსულმა კლუბმა არსებობის ისტორიაში ევროპის ყველაზე პრესტიჟული საკლუბო ტურნირი მეშვიდედ მოიგო.

პირველი ტაიმის შემდეგ მოსკოველები თურქებს 20-ქულიანი სხვაობით ამარცხებდნენ და თითქოს მატჩის ბედი გადაწყვეტილი იყო, მაგრამ “ფენერბახჩეს” ამერიკელი გამთამაშებლის ბობი დიქსონის ზუსტმა სამქულიანებმა მატჩის დასრულებამდე რამდენიმე წამით ადრე თურქული კლუბი 83:81 დააწინაურა. ძირითადი დროის ბოლო შეტევა ცსკა-ს დარჩა, ნანდო დეკოლომ სამქულიანი ესროლა ბურთი კალათში არ ჩავარდა, თუმცა იქვე ვიქტორ ხრიაპა გაჩნდა, რომელმაც 2-ქულიანი ჩააგდო და შეხვედრა ოვერტაიმში გადავიდა. დამატებით 5-წუთეულში თურქებმა ნანდო დეკოლოს განეიტრალება ვერ მოახერხეს, რის გამოც საბოლოო ჯამში დამარცხდნენ. მატჩში ყველაზე მეტი 22 ქულა ნანდო დეკოლომ ჩააგდო. ტეოდოსიჩს 19 ქულა ჰქონდა და აღსანიშნავია, რომ სერბმა ულამაზესი პასები გააკეთა. “ფენერბახჩეში” 17 ქულით ბობი დიქსონი გამოირჩა.

მატჩის მნიშვნელოვანი მომენტები:

0.153374