2009 წლის ამერიკის ღია პირველობის ჩემპიონი არგენტინელი ხუან მარტინ დელ პოტრო “როლან გაროსის” ტურნირზე არ ითამაშებს.
“ჩემს გუნდთან ერთად გადავწყვიტე, რომ გრუნტის ტურნირებზე აღარ ვითამაშო და ბალახის საფარიანი ტურნირებისთვის დავიწყოთ მზადება. მინდა ბოდიში მოვუხადო ჩემს გულშემატკივრებს, რომ “როლან გაროსზე” ვერ ვიასპარეზებ. მაგრამ 2017 წელს პარიზში აუცილებლად ვითამაშებ”- განაცხადა დელ პოტრომ.
შეგახსენებთ, რომ არგენტინელი ერთწლიანი პაუზის შემდეგ 2016 წლის თებერვალში დაუბრუნდა კორტს და როგორც თავად აღნიშნავს, ტრავმირებული მაჯის აღდგენითი პროცესი ჯერ კიდევ მიმდინარეობს.
