“ვესტ ჰემის” მთავარმა მწვრთნელმა სლავენ ბილიჩმა პრემიერლიგის 35-ე ტურში “მანჩესტერ იუნაიტედის” 3:2 დამარცხების შემდეგ მცირე კომენტარი გააკეთა.

“სტადიონზე მოსულმა მაყურებელმა ეს შედეგი დაიმსახურა. გასაგებია, რომ ჩვენ შესანიშნავი საფეხბურთო საღამო გველოდა, მაგრამ წაგება არ გვინდოდა და ამიტომ ზეწოლას განვიცდიდით. “მანჩესტერის” დამარცხება მარტივი არ არის. “ვესტ ჰემის” ფეხბურთელები წარმოუდგენლად თამაშობდნენ”, - ბილიჩის სიტყვებს BBC ციტირებს.

76-ე წუთისთვის მანჩესტერი 2:1-ს იგებდა, თუმცა 5-წუთიან მონაკვეთში ლონდონელებმა “წითელ ეშმაკებს” ორი გოლი გაუტანეს.