ფეხბურთი

12:24 | 6.05.2016 | ნანახია [] - ჯერ

ესპანური კლუბების რეკორდი

ესპანურმა კლუბებმა მიმდინარე სეზონში უეფას კოეფიციენტების ცხრილში დაგროვილი ქულებით საუკეთესო შედეგი აჩვენეს ევროთასების ისტორიაში. ლა ლიგის წარმომადგენლებმა უკვე 23, 357 ქულა დააგროვეს და 2013-2014 წლებში ნაჩვენები მათივე შედეგი (23,000) გააუმჯობესეს.

ესპანელებს უეფას ორივე ტურნირის ფინალში სამი წარმომადგენელი ჰყავთ: ჩემპიონთა ლიგის გადამწყვეტ მატჩში მადრიდის “რეალი” და “ატლეტიკო” ითამაშებენ, ხოლო ევროპის ლიგის ფინალში “სევილია” ინგლისურ “ლივერპულს” დაუპირისპირდება.

ამ სამი კლუბის გარდა, ლა ლიგიდან ევროთასებზე მიმდინარე სეზონში “ბარსელონა”, “ვილიარეალი”, “ბილბაო” და “ვალენსია” გამოდიოდნენ. “ბარსელონამ” ჩემპიონთა ლიგის 1/4-ფინალში ითამაშა, “ვილიარეალმა” ევროპის ლიგის 1/2-ფინალში, “ბილბაომ” ამავე ტურნირის 1/4-ფინალამდე გააღწია, ხოლო “ვალენსიამ” ევროპის რანგით მეორე საკლუბო ტურნირზე ასპარეზობა 1/8-ფინალში დაასრულა.

0.113619