გამთენიისას ნაციონალური საკალათბურთო ასოციაციის პლეი-ოფის ორი შეხვედრა გაიმართა. “ტორონტო” საკუთარ დარბაზში “მაიამისთან” 96:102 დამარცხდა. მატჩის ძირითადი დროის დასრულებამდე 3 წამით ადრე მაიამელები 90:87 იგებდნენ, თუმცა კანადელთა ერთ-ერთმა ლიდერმა კაი ლოურიმ საფინალო სირენასთან ერთად მატჩის ცენტრიდან სამქულიანი ჩააგდო და შეხვედრა ოვერტაიმში გადაიყვანა, სადაც დუეინ უეიდის კარგი თამაში წყალობით “მაიამიმ” 12:6 იმარჯვა. მატჩში ყველაზე მეტი 26 ქულა “მაიამის” სლოვენიელი გამთამაშებლის გორან დრაგიჩის ანგარიშზეა, უეიდმა 24 ქულა ჩააგდო. კანადელთა ცენტრმა იონას ვალანჩუნასმა ორმაგი დუბლი გაიფორმა 24 ქულა, 14 მოხსნა. “მაიამი” სერიას 1:0-ს იგებს. მომდევნო შეხვედრა ისევ კანადაში 6 მაისს თბილისის დროით 04:00 საათზე დაიწყება.

“გოლდნ სტეიტმა” შინ “პორტლენდს” 110:99 მოუგო. მატჩში გადამწყვეტი მეოთხე პერიოდი აღმოჩნდა, რომელშიც “მეომრებმა” 34:12 იმარჯვეს და სერიაში 2:0 დაწინაურდნენ. მატჩში ყველაზე მეტი 27 ქულა კლეი ტომპსონის ანგარიშზეა, “პორტლენდში” 25 ქულით დემიენ ლილარდი გამოირჩა. სერიის მესამე შეხვედრა პორტლენდში 8 მაისს თბილისის დროით 04:30 საათზე დაიწყება.

“ტორონტო” – “მაიამი” 96:102 (18:18, 25:23, 20:27, 27:22 o.t. 6:12)

https://www.youtube.com/watch?v=H3W_nCOnGdk

“გოლდენ სტეიტი” – “პორტლენდი” 110:99 (21:34, 30:25, 25:28, 34:12)

https://www.youtube.com/watch?v=bpuGdkZ6ovU