გამთენიისას ნაციონალური საკალათბურთო ასოციაციის პლეი-ოფის ორი შეხვედრა გაიმართა. “კლივლენდმა” შინ სერიის პირველ შეხვედრაში “ატლანტას” 104:93 აჯობა. პირველი სამი პერიოდის განმავლობაში “კავალერია” ლიდერობდა, თუმცა მეოთხე პერიოდში დენის შროდერის კარგი თამაშის წყალობით “ატლანტამ” რამდენჯერმე დაწინაურება მოახერხა. თუმცა საბოლოოდ რამდენიმე მნიშვნელოვან მომენტში ჯეიმსის ჩაგდებულმა ბურთმა შეხვედრის ბედი გადაწყვიტა. მატჩში ყველაზე მეტი 27 ქულა დენის შროდერმა ჩააგდო, “მეფემ" გუნდს 25 ქულა, 9 პასი და 7 მოხსნა შესძინა.

“სან ანტონიო” შინ “ოკლაჰომასთან” 97:98 დამარცხდა და სერიაში ანგარიში 1:1 გახდა. შეხვედრის ბოლო წამზე მაილსმა სამქულიანი ესროლა, მაგრამ ბურთი კალათში არ ჩაეშვა. მატჩში ყველაზე მეტი 41 ქულა ტეხასელთა ცენტრის ლამარკუს ოლდრიჯის ანგარიშზეა. “ოკლაჰომაში” უესტბრუკი 29 ქულით, 10 პასით, დურანდი 28 ქულით და ადამსი 12 ქულით, 17 მოხსნით გამოირჩნენ. სერიის მესამე შეხვედრა 7 მაისს თბილისის დროით 05:30 საათზე დაიწყება.

“კლივლენდ კავალიერსი” – “ატლანტა ჰოუქსი” 104:93 (30:19, 21:22, 23:29, 30:23)

https://www.youtube.com/watch?v=DsKGeiIXcUY

“სან ანტონიო” – “ოკლაჰომა” 97:98 (21:29, 32:27, 23:21, 21:21)

https://www.youtube.com/watch?v=bpaFtm6eDfM