ბათუმში დასრულდა მსოფლიოს ქალთა გრან პრის III ეტაპი ჭადრაკში, რომლის გამარჯვებულიც რუსი ვალენტინა გუნინა (2497) გახდა. მან მან 11 ტურში 7.5 ქულა მოაგროვა და მე-2 ადგილზე გასულ თანამემამულე ალექსანდრა კოსტენიუკს (2557) 0.5 ქულით გაუსწრო.

ქართველთაგან საუკეთესო შედეგი ნინო ბაციაშვილმა (2476) აჩვენა, რომელმაც 6.0 ქულით უკრაინელი ანა მუზიჩუკის (2555) დარი შედეგი აჩვენა, თუმცა, დამატებითი მაჩვენებლები მასზე უკეთესი აღმოაჩნდა და მე-3 პოზიცია დაიკავა.

საქართველოს ნაკრების ლიდერი ნანა ძაგნიძე (2535) 5.5 ქულით მე-6 ადგილზე გავიდა, ლელა ჯავახიშვილი (2489) 5.0 ქულით მეცხრეზე აღმოჩნდა, ბელა ხოტენაშვილმა (2493) კი 4.0 ქულით ბოლო მე-12 საფეხური დაიკავა.

შეგახსენებთ, რომ ფიდე-ს გრან პრიზე მოთამაშე მოჭადრაკეებს აქტივში 3 საუკეთესო შედეგი ეთვლებათ, პირველ ადგილზე გასული მონაწილე კი გაისად ტიტულისთვის ჩინელ მსოფლიოს ჩემპიონ იიფან ჰოუს გაეჯიბრება.

მსოფლიოს ქალთა გრან პრის III ეტაპი. ბათუმი (საქართველო), 19 აპრილი-3 მაისი

ბოლო ტური

ქსუე ჟაო (ჩინეთი, 2504) – ალექსანდრა კოსტენიუკი (რუსეთი, 2557) 0:1

ნინო ბაციაშვილი (საქართველო, 2476) – ვალენტინა გუნინა (რუსეთი, 2497)

ოლგა გირია (რუსეთი, 2442) – ალმირა სკრიპჩენკო (საფრანგეთი, 2453) 0.5:0.5

ელინა დანიელიანი (სომხეთი, 2445) – ანა მუზიჩუკი (უკრაინა, 2555) 0.5:0.5

მარია მუზიჩუკი (უკრაინა, 2561) – ბელა ხოტენაშვილი (საქართველო, 2493) 0.5:0.5

ნანა ძაგნიძე (საქართველო, 2535) – ლელა ჯავახიშვილი (საქართველო, 2489) 0.5:0.5

საბოლოო მდგომარეობა

7.5 – გუნინა

6.5 – კოსტენიუკი

6.0 – ბაციაშვილი, ა.მუზიჩუკი

5.5 – ჟაო, ძაგნიძე, სკრიპჩენკო

5.0 – მ.მუზიჩუკი, ჯავახიშვილი, გირია

4.5 – დანიელიანი

4.0 – ხოტენაშვილი