სოჭის რბოლისთვის მზადების პროცესში, ორი თავისუფალი პრაქტიკის ჯამში, ყველაზე სწრაფი ლუის ჰამილტონია. მან უკვე სამი რბოლა წააგო თანაგუნდელ ნიკო როსბერგთან. ამასთან, სოჭში წინა ორი რბოლა მოგებული აქვს და მესამისთვისაც გაირჯება. მართალია, მან პირველ სესიაზე თანაგუნდალთან 0.7 წამზე მეტი დათმო, მაგრამ მეორეზე თავად აჯობა 0.867 წამით. თან ორივე სესიაზე ის ერთადერთი იყო, ვინც წრე წუთსა და 38 წამზე ნაკლებში გაიარა.
მეორე სესიაზე სებასტიან ფეტელს მეორე შედეგი აჩვენა იმის მიუხედავად, რომ მის „ფერარის“ ელექტრონიკის პრობლემები შეექმნა და სესიის დიდი დრო გაუცდა. საინტერესოა, რომ მეორე პრაქტიკის დროს, ჰამილტონი მე-4 მოსახვევში სამჯერ შეცდა. ბედად, მანქანა არ დაუზიანებია. საბოლოოდ, მან თავისი საუკეთესო შედეგი სუპერ სოფტ რეზინით დააფიქსირა.
აღსანიშნავია, რომ მეორე სესიაზე, როსბერგს ერთი სწრაფი წრე ყვითელმა დროშებმა გაუცუდა. მერე კი სოფტ რეზინით იარა და ამის გამო იყო, რომ ჰამილტონის საუკეთესო დროს ვერ შესწვდა. მისგან განსხვავებით, თავისი საუკეთესო დრო ფეტელმა სწორედ სუპერ რბილი საბურავებით დააფიქსირა. თუმცა, როგორც ზემოთ ითქვა, უპრობლემო სესია არც მას ჰქონია.
პირველ პრაქტიკაზე ორმა სარეზერვო პილოტმა იასპარეზა. „რენომ“ კევინ მაგნუსენი დაასვენა და მის ნაცვლად, საჭესთან რუსი სერგეი სიროტკინი დასვა. „ფორს ინდიამ“ კი ნიკო ჰულკენბერგის ბოლიდი მექსიკელ ალფონსო სელისს ჩააბარა. სიროტკინმა მე-13 დრო დააფიქსირა და უკან ჩამოიტოვა გუნდის საპრიზო პილოტ ჯოლიონ პალმერი, რომელსაც პრობლემები ჰქონდა და როგორც ჩანს, საჭიში ამ პრობლემებს ვერც მოუგვარებენ. სელისს კი ყველაზე ცუდი დრო ჰქონდა.
სოჭის დიდი პრიზი
პირველი თავისუფალი პრაქტიკა
- ნიკო როსბერგი (გერმანია, მერსედესი) 1:38.127
- ლუის ჰამილტონი (ბრიტანეთი, მერსედესი) 1:38.849
- სებასტიან ფეტელი (გერმანია, ფერარი) 1:39.175
- კიმი რაიკონენი (ფინეთი, ფერარი) 1:39.332
- ფელიპე მასა (ბრაზილია, უილიამსი) 1:39.365
- დანიელ რიკარდო (ავსტრალია, რედ ბული) 1:39.650
- ვალტერი ბოტასი (ფინეთი, უილიამსი) 1:39.802
- დანილ კვიატი (რუსეთი, რედ ბული) 1:40.218
- სერხიო პერესი (მექსიკა, ფორს ინდია) 1:40.287
- კარლოს საინსი (ესპანეთი, ტორო როსო) 1:40.654
- ჯენსონ ბატონი (ბრიტანეთი, მაკლარენი) 1:40.663
- ფერნანდო ალონსო (ესპანეთი, მაკლარენი) 1:40.771
- სერგეი სიროტკინი (რუსეთი, რენო) 1:40.898
- ფელიპე ნასრი (ბრაზილია, ზაუბერი) 1:41.085
- მაქს ფერსტაპენი (ჰოლანდია, ტორო როსო) 1:41.134
- ესტებან გუტიერესი (მექსიკა, ჰაასი) 1:41.238
- რომენ გროჟანი (საფრანგეთი, ჰაასი) 1:41.385
- ჯოლიონ პალმერი (ბრიტანეთი, რენო) 1:41.671
- მარკუს ერიკსონი (შვედეთი, ზაუბერი) 1:41.962
- პასკალ ვერლაინი (გერმანია, მენორი) 1:42.483
- რიო ჰარიანტო (ინდონეზია, მენორი) 1:42.687
- ალფონსო სელისი (მექსიკა, ფორს ინდია) 1:43.432
მეორე თავისუფალი პრაქტიკა
- ლუის ჰამილტონი (ბრიტანეთი, მერსედესი) 1:37.583
- სებასტიან ფეტელი (გერმანია, ფერარი) 1:38.235
- ნიკო როსბერგი (გერმანია, მერსედესი) 1:38.450
- კიმი რაიკონენი (ფინეთი, ფერარი) 1:38.793
- დანიელ რიკარდო (ავსტრალია, რედ ბული) 1:39.084
- ვალტერი ბოტასი (ფინეთი, უილიამსი) 1:39.185
- დანილ კვიატი (რუსეთი, რედ ბული) 1:39.193
- ჯენსონ ბატონი (ბრიტანეთი, მაკლარენი) 1:39.196
- ფელიპე მასა (ბრაზილია, უილიამსი) 1:39.289
- ფერნანდო ალონსო (ესპანეთი, მაკლარენი) 1:39.400
- კარლოს საინსი (ესპანეთი, ტორო როსო) 1:39.465
- მაქს ფერსტაპენი (ჰოლანდია, ტორო როსო) 1:39.501
- ნიკო ჰულკენბერგი (გერმანია, ფორს ინდია) 1:39.795
- სერხიო პერესი (მექსიკა, ფორს ინდია) 1:39.867
- კევინ მაგნუსენი (დანია, რენო) 1:40.193
- რომენ გროჟანი (საფრანგეთი, ჰაასი) 1:40.260
- ესტებან გუტიერესი (მექსიკა, ჰაასი) 1:40.508
- ჯოლიონ პალმერი (ბრიტანეთი, რენო) 1:40.688
- ფელიპე ნასრი (ბრაზილია, ზაუბერი) 1:40.740
- რიო ჰარიანტო (ინდონეზია, მენორი) 1:41.080
- პასკალ ვერლაინი (გერმანია, მენორი) 1:41.148
- მარკუს ერიკსონი (შვედეთი, ზაუბერი) 1:41.652
