ქართველი ჩოგბურთელი სოფო ქვაცაბაია ყაზახურ შიმკენტში მიმდინარე 10-ათასიანი ტურნირის ერთეულთა ბადეს გამოეთიშა, წყვილებში კი ასპარეზობას აგრძელებს.

ერთეულთა მერვედფინალში მე-3 ნომრად განთესილი ქვაცაბაია კვალიფიკაციის ერთ-ერთ გამარჯვებულ უზბეკ კომოლა უმაროვასთან 4:6, 1:2 აგებდა, როდესაც თამაშის გაგრძელება ვეღარ მოახერხა.

მოგვიანებით, სოფომ თავი უკეთ იგრძნო, წყვილებში უზბეკ საბინა შარიპოვას შეუამხანაგდა და ნახევარფინალის საგზურიც მოიპოვა.

ქვაცაბაიას და შარიპოვას მე-2 ნომრად განთესილმა დუეტმა “უაილდ ქარდის” მქონე ყაზახურ წყვილს (შევჩენკო-ტალიენკო) 6:3, 6:2 სძლია და ხვალ, ფინალის საგზურისთვის იბრძოლებს.