ფეხბურთი

19:15 | 26.04.2016 | ნანახია [] - ჯერ

ძამპარინი: “მჭედლიძის წითელი? – აბსურდია”

იტალიური “პალერმოს” პრეზიდენტი მაურიციო ძამპარინი, რომელიც ხმაურიან გამონათქვამებს არასდროს ერიდებოდა, “ემპოლის” ქართველი ფორვარდის ლევან მჭედლიძის გუშინდელ გაძევებას აბსურდულს უწოდებს. ოდიოზური ძამპარინის ასეთი შეფასება არც გვიკვირს – “კარპი” მისი “პალერმოს” ერთადერთი კონკურენტია ელიტაში დარჩენისთვის ბრძოლაში...

“გადარჩენისთვის ბრძოლა გადამწყვეტ ფაზაშია შესული და ამ დროს სამი აბსურდული გადაწყვეტილება მიიღეს – ყველაფერი მჭედლიძის გაძევებით დაიწყო, მოჰყვა პუჩარელის არჩათვლილი გოლი და დამთავრდა არდანიშნული პენალტით საპონარაზე.

მთელი სეზონია ვამჩნევ, რომ ჩვენთვის სასარგებლო თერთმეტრიანებს არ ნიშნავენ, ხოლო კონკურენტების მხარეს – კი”, - თქვა ძამპარინიმ.

მოგეხსენებათ, “პალერმო” სერია A-ში დარჩენისთვის გააფთრებით იბრძვის და კონკურენტმა “კარპიმ”, “ემპოლისთან” მოგების მერე, სიცილიელებს სამი ქულით გაასწრო. წინ კი, სამი ტურია დარჩენილი.

0.113484