თორნიკე ოქრიაშვილმა ბოლო წუთზე გატანილი გოლით მოაგებინა "ესქიშეჰირსფორს" (VIDEO). ეს თურქეთის სუპერლიგაში, "მერსინთან" გასვლით მატჩში. 1;1 იყო, ოქრიაშვილი 69-ე წუთზე შევიდა მინდორზე და გამარჯვების ბურთი შეაგდო.

გოლი ასე გავიდა: თორნიკემ მარცხენა ფლანგზე მიიღო ბურთი, ერთი მცველი მოატყუა და ახლო კუთხეში დაბალი ბურთი დაარტყა.

ეს ოქრიაშვილის პირველი გოლია თურქეთში, სადაც ბელგიური "გენკიდან" გადავიდა. "ესკიშეჰირსფორს" ეს თამაში რომ ვერ მოეგო, სუპერლიგაში დარჩენის არანაირი შანსი აღარ რჩებოდა, ახლა კი ჯერ კიდევ აქვს მცირე იმედი: სამი ტური დარჩა და ბოლოდან მეოთხე ადგილზე მყოფ "რიზესფორს" 5 ქულით ჩამორჩება.

"რიზესფორმა", სადაც ნიკა ძალამიძე ირიცხება, "ქონიასფორთან" გასვლაზე 1:3 წააგო. ძალამიძე განაცხადში იყო, თუმცა მინდორზე არ შეუყვანიათ.