ურუგვაის ეროვნული ნაკრების და კატალონიის "ბარსელონას" თავდამსხმელი ლუის სუარესი გახდა კლუბის მეორე ფეხბურთელი, რომელმაც ერთ სეზონში 50 გოლის გატანა შეძლო.

აღნიშნული რამ "ბლაუგრანას" რიგებში მხოლოდ ლიონელ მესი შეძლო. არგენტინელმა ყველა ტურნირზე ჯამში 50 და მეტი გოლი, 4 სეზონში გაიტანა. სუარესმა "ხიხონის" მეკარე 4-ჯერ დაამწუხრა, ზედიზედ ორ მატჩში კი პოკერი შეასრულა და ჯამში მიმდინარე სეზონში 53 გოლი დაუგროვდა.

კრიშტიანუ რონალდუს კარიერაში 50 და მეტი გოლი 5 სეზონში აქვს გატანილი. პორტუგალიელმა მიმდინარე სეზონში თავი 47-ჯერ გამოიჩინა და სეზონის დასრულებამდე მინიმუმ კიდევ სამი გოლის გატანას სავარაუდოდ შეძლებს.

სუარესმა ლა ლიგის ბომბარდირთა დავაში რონალდუ სამი გოლით ჩამოიტოვა და მის ანგარიშზე 34 გოლია.