ზაზა ფაჩულიას “დალას მავერიკსი” შინ “ოკლაჰომასთან” 108:119 დამარცხდა. ზაზა სასტარტო 5-ეულში იმყოფებოდა და პარკეტზე 21 წუთი დაჰყო, ამ დროში ქართველმა ცენტრმა გუნდს 9 ქულა, 2 მოხსნა და 2 პასი შესძინა. ფაჩულიამ 4-დან ოთხი ორქულიანი და ერთიდან ერთი საჯარიმო სროლა გამოიყენა.

შეხვედრის პირველი პერიოდი “ოკლაჰომამ” 33:18 მოიგო, რის შემდეგაც ტეხასელებს თამაშის შემობრუნების შანსი აღარ ჰქონით. მატჩის პირველსავე წუთზე დალასელმა გამთამაშებელმა დერონ უილიამსმა ტრავმა მიიღო და შეხვედრის გაგრძელება ვეღარ მოახერხა. “ოკლაჰომაში” 28 ქულით თურქი ცენტრი კანტერი გამოირჩა, “დალასში” საუკეთესო 27 ქულით დირკ ნოვიცკი გახლდათ.

სერიას “ოკლაჰომა” 3:1 იგებს. მომდევნო შეხვედრა ოკლაჰომაში 26 აპრილს თბილისის დროით 04:00 საათზე დაიწყება.