“მინესოტა ტიმბერვულვზმა” ოფიციალურად გამოაცხადა, რომ კლუბის მთავარი მწვრთნელის და პრეზიდენტის თანამდებობაზე ტომ ტიბოდო დაამტკიცა. ცნობილი გახდა ისიც, რომ “მგლების” გენერალური მენეჯერი სკოტ ლეიდენი გახდება.

შეგახსენებთ, რომ 58 წლის ტიბოდოს ნბა-ს კლუბებში მუშაობის 37-წლიანი გამოცდილება გააჩნია, თუმცა კი, მთავარი მწვრთნელის რანგში მხოლოდ 2010-2015 წლებში, “ჩიკაგო ბულსში” მოღვაწეობდა.

ტომმა “მინესოტას” თავკაცის პოსტზე სემ მიტჩელი შეცვალა, რომლის ხელშიც გუნდმა სეზონი 29 მოგებით და 53 მარცხით დაასრულა და პლეი-ოფს მიღმა დარჩა.