ბათუმში დაწყებულ მსოფლიოს ქალთა გრან პრის III ეტაპზე პირველი ტურის პარტიები შედგა, რომელიც ქართველი მოჭადრაკეებისთვის წარმატებული გამოდგა. ლელა ჯავახიშვილმა რუსი ალექსანდრა კოსტენიუკი დაამარცხა, ბელა ხოტენაშვილმა და ნანა ძაგნიძემ კი ყაიმი გააფორმეს.

აღსანიშნავია, რომ 6 პარტიიდან გამარჯვებული მხოლოდ ორში გამოვლინდა. ჯავახიშვილის გარდა, გამარჯვება ოლგა გირიამ იზეიმა, რომელმაც თანამემამულე ვალენტინა გუნინა შავი ფიგურებით დაჯაბნა.

მე-2 ტურში, რომელიც 21 აპრილს შედგება, კიდევ ერთ ქართულ დაპირისპირებას ვიხილავთ: საწყისი დღის შემდეგ გალიდერებული ჯავახიშვილი ხოტენაშვილს დაუპირისპირდება. რაც შეეხება ძაგნიძეს, ის ძალებს უკრაინელ ანა მუზიჩუკთან მოსინჯავს.

მსოფლიოს ქალთა გრან პრის III ეტაპი. ბათუმი (საქართველო), 19 აპრილი-3 მაისი

I ტური

ლელა ჯავახიშვილი (საქართველო, 2489) – ალექსანდრა კოსტენიუკი (რუსეთი, 2557) 1:0

ბელა ხოტენაშვილი (საქართველო, 2493) – ნანა ძაგნიძე (საქართველო, 2535) 0.5:0.5

ანა მუზიჩუკი (უკრაინა, 2555) – მარია მუზიჩუკი (უკრაინა, 2561) 0.5:0.5

ალმირა სკრიპჩენკო (საფრანგეთი, 2453) – ელინა დანიელიანი (სომხეთი, 2445) 0.5:0.5

ვალენტინა გუნინა (რუსეთი, 2497) – ოლგა გირია (რუსეთი, 2442) 0:1

ქსუე ჟაო (ჩინეთი, 2504) – ნინო ბაციაშვილი (საქართველო, 2476) 0.5:0.5

II ტური

კოსტენიუკი – ბაციაშვილი

გირია – ჟაო

დანიელიანი – გუნინა

მ.მუზიჩუკი – სკრიპჩენკო

ძაგნიძე – ა.მუზიჩუკი

ჯავახიშვილი – ხოტენაშვილი