თურქეთის ქალაქ სტამბოლში მიმდინარე საერთაშორისო ტურნირზე (საპრიზო ფონდი 250 ათასი დოლარი) სტარტი წყვილთა მატჩებმა აიღო და საქმეში ქართველი ჩოგბურთელებიც ჩაებნენ.

ოქსანა კალაშნიკოვას და შვედი იოჰანა ლარსონის მე-2 ნომრად განთესილმა დუეტმა თურქულ წყვილს (აკსუ-სეზერი) 6:2, 6:4 სძლია და მეოთხედფინალში გააღწია.

მე-2 წრეში კალაშნიკოვა და ლარსონი ესპანელ ლაურა პოუს-ტიოს და ჩეხ რენატა ვორაცოვას ეთამაშებიან, რომელთაც ეკატერინე გორგოძეს და უკრაინელ ანასტასია ვასილიევას 6:1, 6:0 მოუგეს.

პირველი რაუნდის შეხვედრა ჯერაც არ ჩაუტარებიათ სოფო შაფათავას და რუს მარინა მელნიკოვას. ისინი ძალებს რუმინელებთან – ელენა ბოგდანთან და კრისტინა დინუსთან ითამაშებენ.