12 აპრილს საქართველოს ეროვნული ოლიმპიური კომიტეტის შტაბ-ბინაში ჩატარდა სპორტის მენეჯმენტის უმაღლესი კურსების მეორე სესია. ოლიმპიური კომიტეტის ხელმძღვანელებისა და მოწვეული სპორტის ექსპერტების მიერ განხილულ იქნა შემდეგი საკითხები:

- ოლიმპიური თამაშები – სტრუქტურა, წესები, ცერემონიები

- თანამედროვე კვლევის მეთოდები სპორტის მენეჯმენტში

- სპორტული შეჯიბრებების მანიპულაციები

- ოლიმპიური მოძრაობის განვითარება რეგიონში

- ადამიანური რესურსების დაგეგმვა, განვითარება, მართვა.

მონაწილეებმა წარმოადგინეს პრეზენტაციები პირველი სესიის პერიოდში განხილულ მათთვის საინტერესო თემებზე, როგორიცაა: მასშტაბური სპორტული ღონისძიებების ორგანიზება, ადამიანური რესურსების მართვა, PR საკითხები – პრობლემები და მათი გადაჭრის გზები და სხვა.

დღის ბოლოს სეოკ-ის საერთაშორისო ურთიერთობების სამსახურის უფროსმა (კურსის დირექტორი) რუსუდან აფციაურმა უპასუხა მონაწილეთა შეკითხვებს, განიხილა საპრეზენტაციო მასალები და განსაზღვრა მომავალი შეხვედრის ამოცანები.

www.geonoc.org.ge