კატალონიის "ბარსელონას" მთავარმა მწვრთნელმა ლუის ენრიკემ "სოსიედადთან" წაგებული მატჩის (0:1) შემდეგ განაცხადა, რომ "ბლაუგრანას" მარცხში დიდი წვლილი მეტოქე გუნდის მეკარემ შეიტანა.
"ისეთი დაცვის მქონდე გუნდი, როგორიც "სოსიედადია", ბურთი კიდევ უფრო დიდხანს უნდა გაგვეკონტროლინებინა. პირველ ნახევარში ცუდად გამოვიყურებოდით. ხერონიმო რულიმ ჩვენ წინააღმდეგ დიდი მატჩი ჩაატარა. წაგებას არ ვიმსახურებდით, მაგრამ ასეთი შედეგი მივიღეთ. 32 ტურის შემდეგ ჩვენ კვლავ ლიდერები ვართ." - ციტირებს ესპანელის სიტყვებს "ბარსელონას" ოფიციალური ვებგვერდი.
"ბლაუგრანამ" მიმდინარე სეზონში მეოთხე მარცხი განიცადა. სატურნირო ცხრილში ენრიკეს შეგირდები პირველ ადგილზე 76 ქულით იმყოფებიან, მეორადგილოსან "ატლეტიკოს" 3 ქულით, ხოლო "რეალს" 4 ქულით უსწრებენ.
