ლონდონის "არსენალის" მთავარი მწვრთნელი არსენ ვენგერი "ვესტ ჰემთან" ფრედ (3:3) დამთავრებული მატჩის შემდეგ იმედგაცრუებული გახლდათ.
"ჩვენ იმდენი მოვახერხეთ, რომ სამი გოლი გავიტანეთ და მაინც ფრე დავაფიქსირეთ. ბოლო 20 წუთში ორივე გუნდს შეეძლო მატჩი მოეგო. ძალიან ვწუხვარ, რომ ანდი კეროლის ჰეთ-თრიკს ვერაფერით ვუპასუხეთ. ამას იმიტომ არ ვამბობ, რომ ფეხბურთელებს რამეს ვაბრალებ. ჩვენ იმედგაცრუებულნი ვართ და ასეთი რამ არ უნდა შეგვმთხვეოდა. გვაქვს თუ არა პრემიერლიგის მოგების შანსი? არ ვიცი." - განუცხადა BBC-ს ფრანგმა სპეციალისტმა.
"ვესტ ჰემთან" ფრედ დამთავრებული მატჩის შემდეგ "მეთოფეებს" სატურნირო ცხრილში 59 ქულა დაუგროვდათ და ლიდერ "ლესტერს" 10 ქულით ჩამორჩებიან. მეორეადგილოსან "ტოტენჰემს" ვენგერის შეგირდები სამი ქულით ჩამორჩებიან.
