ფეხბურთი

14:18 | 5.04.2016 | ნანახია [] - ჯერ

 “ტორპედო” უახლოეს მატჩებს შტელინის გარეშე ჩაატარებს

საქართველოს სამგზის ჩემპიონ ქუთაისის “ტორპედოს” მომდევნო ორ თამაშში, თბილისის “დინამოსთან” და “სამტრედიასთან”, მიხეილ აშვეთია და გიორგი სუხიაშვილი უხელმძღვანელებენ. ამის შესახებ იმერული გუნდის პრესსამსახური იტყობინება. საქმე ისაა, რომ გუნდის მთავარ მწვრთნელ ალექსანდრ შტელინს გულთან დაკავშირებული პრობლემები აქვს, რის გამოც გარკვეული დროის განმავლობაში მკურანლობის კურსი უნდა გაიაროს და სწორედ ამიტომ მოხდა მისი ჩანაცვლება დროებით.

როგორც ცნობილი ხდება, იგი თავისი საქმიანობის შესრულებას ხსენებული ორი მატჩის შემდეგ დაუბრუნდება. შტელინს “ტორპედოსთან” კონტრაქტი მაისის თვემდე, ანუ, მიმდინარე სეზონის ბოლომდე აკავშირებს.

ქუთაისელები “დინამოს” 6 აპრილს თბილისში ეთამაშებიან, 10 აპრილს კი “სამტრედიას” საკუთარ მოედანზე მიიღებენ.

0.107918