ალმათის "ქაირათის" მწვრთნელის პოსტიდან გადადგა რუსი ალექსანდრ ბოროდიუკი და როგორც ყაზახური პრესა წერს, მისი შემცვლელის ვინაობაც ცნობილია - კახა ცხადაძე.
გუშინ გვეწერა, რომ ცხადაძე რამდენიმე დღის წინ "ქაირათის" ბაზაზე ნახეს. მხარეებს შორის მოლაპარაკება წარმატებით დასრულდა.
გეცოდინებათ, "ქაირათს" 3 წლის განმავლობაში სლოვაკი ვლადიმირ ვაისი წვრთნიდა, ახლა კი სლოვაკი საქართველოს ნაკრებს თავკაცობს. ვაისმა სწორედ ცხადაძე შეცვალა თანამდებობაზე.
კიდევ, ცხადაძე "გაბალას" მწვრთნელობის კანდიდატადაც განიხილებოდა. არის დიდი შანსი, რომ რომან გრიგორჩუკმა სეზონის ბოლოს დატოვოს "გაბალა" და ცხადაძის ვარიანტზეც ითქვა, თუმცა კახას "ქაირათში" დანიშვნა თითქმის გადაწყვეტილია.
