თბილისის „ვითას“ მცველი დანიელ ბეჯარანო ვთბ-ლიგის 27-ე ტურის უძვირფასეს მოთამაშედ (MVP) აღიარეს. ამ ინფორმაციას ტურნირის ოფიციალური ვებ-გვერდი ავრცელებს.

შეგახსენებთ, რომ გასულ ტურში ქართულმა კლუბმა პირველი გამარჯვება იზეიმა. „ვითამ“ ბელარუსის „ცმოკი-მინსკს“ 81:80 სძლია, თბილისელთა ამერიკელი ლეგიონერის ანგარიშზე კი 21 ქულა (თამაშიდან 11-დან 7 ზუსტი ტყორცნა), 6 მოხსნა და 1 ჩაჭრა იყო.

შედეგად, ბეჯარანოს სარგებლიანობის კოეფიციენტმა 21-ს უწია.