30 მარტს, 20:00 საათზე, სპორტისა და ახალგაზრდობის საქმეთა სამინისტროსა და ფეხბურთის ფედერაციის ინიციატივით სპორტის ახალ სასახლეში გაიმართება საქველმოქმედო ამხანაგური მატჩი საქართველოს ეროვნული ნაკრების ყოფილი მეკარის - აკაკი დევაძის მხარდასაჭერად.

აკაკი დევაძის მხარდამჭერ მატჩში მონაწილეობას მიიღებენ სპორტისა და ახალგაზრდობის საქმეთა მინისტრი ტარიელ ხეჩიკაშვილი, ფეხბურთის ფედერაციის პრეზიდენტი ლევან კობიაშვილი, ასევე ვეტერანი ფეხბურთელები, სპორტსმენები, აკაკი დევაძის თანაგუნდელები და მეგობრები, ჟურნალისტები, ხელოვანები, გულშემატკივრები.

ასევე ლეგენდარული ქართველი მეკარე ოთარ გაბელია, მსოფლიოსა და ევროპის ჩემპიონი თავისუფალ ჭიდაობაში და წლის საუკეთესო სპორტსმენი ლადო ხინჩეგაშვილი, სხვადასხვა სპორტული ფედერაციების წარმომადგენლები.

დამოუკიდებელი ქართული ფეხბურთის ერთ-ერთი გამორჩეული მეკარის, საქართველოს ეროვნული ნაკრების ყოფილი წევრის ჯანმრთელობის მდგომარეობა 2015 წლის ოქტომბრიდან გაუარესდა. მას სასწრაფოდ ესაჭიროება ღვიძლის ოპერაცია და რამდენიმეთვიანი რეაბილიტაციის კურსი.

საქართველოს ფეხბურთის ფედერაციამ და სპორტისა და ახალგაზრდობის საქმეთა სამინისტრომ დევაძის ანგარიშზე 10-10 ათასი ლარი უკვე გადარიცხეს; აქციაში ჩაერთო შრომის, ჯანმრთელობისა და სოციალური დაცვის სამინისტრო. საქართველოს ნაკრების მეკარისთვის თანხის შეგროვება კვლავ გრძელდება.

აკაკი დევაძის პირადი ანგარიშის ნომერია:

საქართველოს ბანკი
GE52BG0000000692294500
მიმღები AKAKI DEVADZE

აკაკი დევაძის მხარდასაჭერად მაგთის, ჯეოსელისა და ბილაინის აბონენტებს შეუძლიათ დარეკონ ტელეფონის ნომერზე: 0 901 901 981 ზარის ღირებულებაა 1 ლარი