ჰოლანდიის ეროვნული ნაკრების თავდამსხმელი მემფის დეპაი მიმდინარე წლის ზაფხულის სატრანსფერო პერიოდში შესაძლოა "მანჩესტერ იუნატედიდან" წავიდეს. ინფორმაციას The Sun-ი ავრცელებს.

გამოცემის ცნობით, "წითელი ეშმაკების" ხელმძღვანელობა ფეხბურთელის ასპარეზობით უკმაყოფილოა და მის გაყიდვას აპირებს. დეპაი ინგლისსში გასული წლის ზაფხულში მივიდა. კლუბმა მემფისში 25 მილიონი გირვანქა სტერლინგი გადაიხადა. მიმდინარე სეზონში კი შემტევმა 40 მატჩში 7 გოლი გაიტანა და 9 საგოლე გადაცემა მიითვალა.

აგრეთვე, "მანჩესტერის" შავ სიაში მოხვდება ნახევარმცველი მორგან შნეიდერლინი და მცველები მარკოს როხო და ფილ ჯონსი.