“ბარსელონას” შემტევმა ნეიმარმა ბრაზილიის ნაკრები დატოვა და ესპანეთში დაბრუნდა, სადაც “რეალთან” 2 აპრილს დაგეგმილი მატჩისთვის მზადებას შეუდგება.

როგორც Marca იტყობინება, ეროვნული გუნდიდან ნეიმარის ნაადრევი გამგზავრების მიზეზი, ფეხბურთელის მიერ ურუგვაისთან შეხვედრაში (2:2) მიღებული ყვითელი ბარათი გახდა, რის გამოც ის პარაგვაისთან მომავალ მატჩში მონაწილეობას ვერ შეძლებდა.

ბრაზილიელები პარაგვაის ნაკრებს 30 მარტს სტუმრად ეთამაშებიან.