“გოლდენ სტეიტმა” შინ “კლიპერსს” 114:98 მოუგო (VIDEO). “მეომრებმა” მიმდინარე სეზონში 71 შეხვედრიდან 64 მოიგეს და 7 წააგეს, რაც ნბა-ს ყველა დროის საუკეთესო შედეგია. “გოლდენს” 1995/96 წლების “ჩიკაგო ბულზის” (72 მოგება, 10 წაგება) რეკორდის გასაუმჯობესებლად დარჩენილ 11 შეხვედრაში 9 მატჩის მოგება სჭირდება.

რაც შეეხება უშუალოდ შეხვედრას “კლიპერსმა” პირველი პერიოდი 5 ქულით მოიგო, ხოლო დანარჩენი სამი პერიოდი “ოქროს შტატელების” სრული უპირატესობით წარიმართა. მოწოდების სიმაღლეზე იდგნენ გუნდის ლიდერები სტეფ კარი და კლეი ტომპსონი, რომლებმაც ერთად 65 ქულა ჩააგდეს, კარი – 33 ქულა, ტომპსონი – 32. “კლიპერსში” 19 ქულით და 20 მოხსნით დეანდრე ჯორდანი გამოირჩა.