29 მარტს ბულგარეთის ქალაქ რუსეში სტარტს აიღებს ევროპის ჩემპიონატი 23-წლამდე მოჭიდავეთა შორის. პირველები შეჯიბრებაში ბერძნულ-რომაული სტილით მოჭიდავეები ჩაებმებიან.

საქართველოს ნაკრები 18 მარტიდან ბორჯომში იმყოფება შეკრებაზე, ბოლო საკონტროლო შეხვედრა კი 22 მარტს გაიმართა 59 კგ-ში, სადაც ხვიჩა ჭითავამ გიზო მელაძეს მოუგო.

ბულგარეთში ჩვენი ნაკრები ზაზა ჯიბლაძის და ვაჟა ბოძაშვილის ხელმძღვანელობით 26 მარტს შუადღისას გაფრინდება. ბერძენ-რომაელთა გუნდი საკმაოდ ვარსკვლავური შემადგენლობით იასპარეზებს. ნაკრებში არიან გასული წლის ევროპის ჩემპიონი ლაშა გობაძე (80), ასევე მსოფლიოს მოქმედი ჩემპიონები ახალგაზრდებში – რამაზ ზოიძე (71) და გელა ბოლქვაძე (75), ევროპის ჩემპიონი ახალგაზრდებში იაკობ ქაჯაია (130).

59 კგ – ხვიჩა ჭითავა (სენაკი)

66 კგ – თორნიკე ჯანგავაძე (ქუთაისი)

71 კგ – რამაზ ზოიძე (ხელვაჩაური)

75 კგ – გელა ბოლქვაძე (ხულო)

80 კგ – ლაშა გობაძე (ხულო)

85 კგ – შალვა ხაჩიძე (ბორჯომი)

98 კგ – კუკური კირცხალია (თბილისი)

130 კგ – იაკობ ქაჯაია (წყალტუბო)

მთავარი მწვრთნელი: ზაზა ჯიბლაძე

უფროსი მწვრთნელი: ვაჟა-ბოძაშვილი

მსაჯი: მალხაზ ჯორბენაძე

ექიმი: ლევან ლინნიკი

თავისუფალი სტილით მოჭიდავეთა ნაკრები ევროპის ჩემპიონატზე 2-3 აპრილს იასპარეზებს. ჩვენს ნაკრებს ევროპის ჩემპიონი გენო პეტრიაშვილი (125) უკაპიტნებს. ემზარ ბედინეიშვილის მიერ დარიგებული გუნდი რუსეში, 31 მარტს, გამთენიისას, შემდეგი შემადგენლობით გაემგზავრება.

57 კგ – თეიმურაზ ვანიშვილი (გორი)

61 კგ – შოთა ფარტენაძე (ქედა)

65 კგ – ივერიკო ჯულაყიძე (სამტრედია)

70 კგ – დავით ბუზიაშვილი (ხაშური)

74 კგ – ტარიელ გაფრინდაშვილი (თბილისი)

86 კგ – ირაკლი მწითური (თბილისი)

97 კგ – გივი მაჭარაშვილი (მცხეთა)

125 კგ – გენო პეტრიაშვილი (გორი)

მთავარი მწვრთნელი: ემზარ ბედინეიშვილი

უფროსი მწვრთნელები: ოთარ თუშიშვილი და გოჩა კირკიტაძე

მსაჯი: მალხაზ ჯორბენაძე

ექიმი: ლევან ლინნიკი

გოგონებში ერთადერთი მონაწილე ლიანა ალმეევა (მაჭარაშვილი) გვეყოლება, მთავარი მწვრთნელი კი ბესარიონ გუჩაშვილი გახლავთ.

29 მარტი

ბერძნულ-რომაული 59-71-80-98

30 მარტი

ბერძნულ-რომაული 66-75-85-130

31 მარტი

ქალთა ჭიდაობა 48-55-60-69

1 პარილი

ქალთა ჭიდაობა 53-58-63-75

2 აპრილი

თავისუფალი ჭიდაობა 57-65-74-97

3 აპრილი

თავისუფალი ჭიდაობა 61-70-86-125

www.wrestling.ge