ესპანეთის ფეხბურთის ფედერაციამ "ფურია როხას" მთავარ მწვრთნელ ვისენტე დელ ბოსკეს შესაძლოა კონტრაქტი ორი წლით გაუხანგრძლივოს. ინფორმაციას MARCA ავრცელებს.

აღნიშნულ გადაწყვეტილებას ესპანური ფეხბურთის მესვეურები 2016 წლის ევროპის ჩემპიონატის შემდეგ მიიღებენ. იმ შემთხვევაში თუ ეროვნული ნაკრები საფრანგეთში გასამართ ტურნირზე დადებით შედეგს აჩვენებს, ესპანელ სპეციალისტს კონტრაქტს 2018 წლის მუნდიალის დასრულებამდე შესთავაზებენ.

დელ ბოსკემ ესანელებს 2010 წლის მსოფლიოს ჩემპიონატი და 2012 წლის ევროპის ჩემპიონატი მოაგებინა. ვისენტე "ფურია როხას" 2008 წლიდან ხელმძღვანელობს. მას შემდეგ ეროვნულმა ნაკრებმა 105 მატჩი ჩაატარა, აქედან 85 მოიგო, 6 ფრედ დაამთავრა, ხოლო 14 დაპირისპირებაში მარცხი განიცადა.