“გოლდენ სტეიტის” ერთ-ერთმა ლიდერმა დრეიმონდ გრინმა განაცხადა, რომ მისი გუნდი 73 შეხვედრას მოიგებს და “ჩიკაგოს” რეკორდს დაამხობს.

“ამ წუთისთვის 62 მოგება და 7 წაგება გვაქვს, რაც რეკორდია, მთლიანი სეზონის რეკორდისთვის კი დარჩენილი 13 შეხვედრიდან 11-ის მოგება გვჭირდება და ეს რეალურია. ჩვენს დასახულ მიზანს აუცილებლად მივაღწევთ - 73 მოგებამდე მივდივართ”- განაცხადა გრინმა.

“გოლდენ სტეიტი” 1995/96 წლების “ჩიკაგოს” რეკორდის (72 მოგება, 10 წაგება) გაუმჯობესებისკენ მიიწევს. დარჩენილი 13 შეხვედრიდან “მეომრებს” 9 მატჩის ჩატარება სახლში მოუწევთ, ხოლო 4-ის გასვლაზე.