მიმდინარე სეზონის დასრულების შემდეგ, პორტუგალიის ეროვნული ნაკრების და "ვალენსიას" ახალგაზრდა ნახევარმცველმა ანდრე გომეშმა შესაძლოა კარიერა ინგლისში გააგრძელოს. ინფორმაციას Sunday Mirror-ი ავრცელებს.

როგორც ირკვევა, "მანჩესტერ იუნაიტედი" მზადაა 22 წლის მოთამაშის სანაცვლოდ 19 მილიონი გირვანქა სტერლინგი დახარჯოს. ფეხბურთელს "ღამურებთან" კონტრაქტი 2020 წლის ივლისამდე აქვს გაფორმებული.

მიმდინარე სეზონში 32 მატჩი ჩაატარა, გაიტანა 3 გოლი და 6 საგოლე გადაცემა შეასრულა. გომეშის სატრანსფერო ღირებულება 20 მილიონ ევროს შეადგენს.