მართალია, ორივე პრაქტიკაზე უსწრაფესი ლუის ჰამილტონი იყო, მაგრამ ჯერ მაინც ადრეა იმაზე ლაპარაკი, თუ ვინ სად (პელოტონის რომელ ნაწილში) იმყოფება. თქმა არ უნდა, ჩემპონი და მისი ბოლიდი ისევ ფორმაში არიან, მაგრამ დანარჩენებზე მსჯელობა ჯერ მაინც ნაადრევია, რადგან ფორმულა 1-ის 2016 წლის მსოფლიო ჩემპიონატის პირველი ეტაპი, ავსტრალიის დიდი პრიზი, რომელსაც მელბრუნის ალბერტ პარკი მასპინძობს, წვიმის აკომპანიმენტით ჩატარდა.

წვიმის გამო, რამდენიმე პილოტმა დროის დაფიქსირებაც ვერ შეძლო და ტრასაზეც ცოტა დრო გაატარა, რაც იმას ნიშნავს, რო კვალიფიკაციისა და რბოლისთვის მანქანის მომართვის პროცესი სრულყოფილი არ იყო. და ამ მხრივ, კვალიფიკაცია ერთგვარ ლატარეადაც შეიძლება იქცეს.

ჰამილტონი ორივე სესიაზე უასწრაფესი კი იყო, მაგრამ სველი ტრეკის გამო, მის დროებს შორის სხვაობამ დაახლოებით 9 წამი შეადგინა. ორივე შემთხვევაში, მან თითქმის ნახევარი წამით აჯობა მეორე უსწრაფეს პილოტებს. პირველ სესიაზე ეს დანილ კვიატი იყო, მეორეზე კი - ნიკო ჰულკენბერგი.

სეზონი ცუდად დაიწყო ჰამილტონის თანაგუნდელმა ნიკო როსბერგმა, ვინც გასული სეზონი, ზედიზედ სამი რბოლის მოგებით დაასრულა. პირველ პრაქტიკაზე მან მხოლოდ მეექვსე დრო აჩვენა, მეორეზე კი შეცდომა დაუშვა და მანქანის წინა ანტი ფრთა დააზიანა.

სებასტიან ფეტელმა, ვისაც ბევრი ახალ სეზონში ჰამილტონს მთავარ კონკურენტობას უწინასწარმეტყველებს, პირველ პრაქტიკაზე დრო ვერ დააფიქსირა, მეორე პრაქტიკა კი მერვე დროით დაასრულა. პირველი სესია წარუმატებელი გამოდგა ფეტელის თანაგუნდელ კიმი რაიკონენისთვისაც, რომელმაც პირველი სესია მე-17 დროით დაასრულა, თუმცა მეორე პრაქტიკაზე მესამე უსწრაფესი იყო.

ავსტრალიის დიდი პრიზი

პირველი თავისუფალი პრაქტიკა

1. ლუის ჰამილტონი (ბრიტანეთი, მერსედესი) 1:29.725
2. დანილ კვიატი (რუსეთი, რედ ბული) 1:30.146
3. დანიელ რიკარდო (ავსტრალია, რედ ბული) 1:30.875
4. ნიკო ჰულკენბერგი (გერმანია, ფორს ინდია) 1:31.325
5. მაქს ფერსტაპენი (ჰოლანდია, ტორო როსო) 1:31.720
6. ნიკო როსბერგი (გერმანია, მერსედესი) 1:31.814
7. ფერნანდო ალონსო (ესპანეთი, მაკლარენი) 1:33.060
8. ჯენსონ ბატონი (ბრიტანეთი, მაკლარენი) 1:33.129
9. სერხიო პერესი (მექსიკა, ფორს ინდია) 1:33.370
10. კევინ მაგნუსენი (დანია, რენო) 1:34.060
11. ვალტერი ბოტასი (ფინეთი, უილიამსი) 1:34.550
12. ფელიპე მასა (ბრაზილია, უილიამსი) 1:34.679
13. ფელიპე ნასრი (ბრაზილია, ზაუბერი) 1:34.796
14. ჯოლიონ პალმერი (ბრიტანეთი, რენო) 1:35.477
15. მარკუს ერიკსონი (შვედეთი, ზაუბერი) 1:37.956
16. პასკალ ვერლაინი (გერმანია, მენორი) 1:40.401
17. კიმი რაიკონენი (ფინეთი, ფერარი) 1:40.754
18. ესტებან გუტიერესი (მექსიკა, ჰაასი) 1:41.780
19. რიო ჰარიანტო (ინდონეზია, მენორი) 1:43.372
20. რომენ გროჟანი (საფრანგეთი, ჰაასი) 1:43.443
21. სებასტიან ფეტელი (გერმანია, ფერარი) დროის გარეშე
22. კარლოს საინსი (ესპანეთი, ტორო როსო) დროის გარეშე

მეორე თავისუფალი პრაქტიკა

1. ლუის ჰამილტონი (ბრიტანეთი, მერსედესი) 1:38.841
2. ნიკო ჰულკენბერგი (გერმანია, ფორს ინდია) 1:39.308
3. კიმი რაიკონენი (ფინეთი, ფერარი) 1:39.486
4. დანიელ რიკარდო (ავსტრალია, რედ ბული) 1:39.535
5. კარლოს საინსი (ესპანეთი, ტორო როსო) 1:39.694
6. ფერნანდო ალონსო (ესპანეთი, მაკლარენი) 1:39.895
7. ჯენსონ ბატონი (ბრიტანეთი, მაკლარენი) 1:40.008
8. სებასტიან ფეტელი (გერმანია, ფერარი) 1:40.761
9. სერხიო პერესი (მექსიკა, ფორს ინდია) 1:41.256
10. დანილ კვიატი (რუსეთი, რედ ბული) 1:42.411
11. ესტებან გუტიერესი (მექსიკა, ჰაასი) 1:42.891
12. პასკალ ვერლაინი (გერმანია, მენორი) 1:43.401
13. რომენ გროჟანი (საფრანგეთი, ჰაასი) 1:43.731
14. რიო ჰარიანტო (ინდონეზია, მენორი) 1:44.304
15. ნიკო როსბერგი (გერმანია, მერსედესი) 1:47.356
16. მარკუს ერიკსონი (შვედეთი, ზაუბერი) დროის გარეშე
17. ვალტერი ბოტასი (ფინეთი, უილიამსი) დროის გარეშე
18. ფელიპე ნასრი (ბრაზილია, ზაუბერი) დროის გარეშე
19. კევინ მაგნუსენი (დანია, რენო) დროის გარეშე
20. ჯოლიონ პალმერი (ბრიტანეთი, რენო) დროის გარეშე
21. მაქს ფერსტაპენი (ჰოლანდია, ტორო როსო) დროის გარეშე
22. ფელიპე მასა (ბრაზილია, უილიამსი) დროის გარეშე