კატალონიის "ბარსელონას" თავდამსხმელი ნეიმარი გულშემატკივრებმა ჩემპიონთა ლიგის კვირის საუკეთესო ფეხბურთელად დაასახელეს. ინფორმაციას უეფას ოფიციალური ვებგვერდი ავრცელებს.

ბრაზილიელმა მხარდამჭერთა ხმების 59% მიიღო. მეორე ადგილზე პოლ პოგბა გავიდა (22%), მესამეზე - ანტუან გრიზმანი (10%), მეოთხეზე - იაია ტურე (9%). ნეიმარი ჩემპიონთა ლიგის კვირის საუკეთესო ფეხბურთელად მიმდინარე სეზონში პირველად აღიარეს.

ლონდონის "არსენალთან" "კამპ ნოუზე" მოგებულ (3:1) შეხვედრაში სამხრეთამერიკელმა ანგარიში მე-18 წუთზე გახსნა. მიმდინარე სეზონში 37 მატჩი ჩაატარა, გაიტანა 26 გოლი და 23 საგოლე გადაცემა შეასრულა.