კატალონიის "ბარსელონას" ყოფილი თავდამსხმელი პატრიკ კლუვერტი "ბლაუგრანას" გაწვრთნაზე ოცნებობს. ჰოლანდიელის განცხადებით, მას დიდი ამბიციები გააჩნია და მომდევნო ხუთი წლის განმავლობაში ევროპის ერთ-ერთი დიდი კლუბის გაწვრთნა სურს.

"დიდი ამბიციები გამაჩნია. კარგი გუნდის გაწვრთნა მსურს, რათა დავამტკიცო თუ რა შემიძლია. მოთმენა რთულია, რადგან სამუშაოს შესრულება ძალიან მსურს. ვფიქრობ, გავაუმჯობესებ ფეხბურთელების სათამაშო დონეს იმ გუნდში, სადაც ვიმუშავებ. რა თქმა უნდა, ნამდვილად მსურს "ბარსელონას" გაწვრთნა. ეს დიდი ნაბიჯი იქნება ჩემ კარიერაში. ჩემი მიზანია მომდევნო 5 წლის განმავლობაში ევროპის დიდი გუნდის გაწვრთნა." - განუცხადა კლუვერტმა Omnisport-ს.

ჰოლანდიელი "ბარსელონაში" 6 სეზონის განმავლობაში თამაშობდა და 255 მატჩში 120 გოლი გაიტანა. ამჟამად კლუვერტი კურასაოს ნაკრებს წვრთნის.