საქართველოს ეროვნული ნაკრები, რაგბი ევროპის ჩემპიონატის მეოთხე რაუნდში, სოჭში რუსეთს პირველი ტაიმის შემდეგ 10:0 უგებს.
საწყის 40 წუთში ერთადერთი ლელო თამაზ მჭედლიძემ მას შემდეგ დადო, რაც მეტოქის 22-ში ფეხით ბურთი ლაშა ხმალაძემ ჩაკიდა. მანამდე მერაბ კვირიკაშვილმა ჯარიმა გაიტანა და მერე გარდასახვაც ზუსტად შეასრულა. ტაიმის მიწურულს მოედანზე ჩხუბი ატყდა და რეფერიმ გიორგი ნემსაძესთან ერთად იური კუშნარიოვი გაასინბინა.
