თბილისის “დინამოს” ნახევარმცველს მათე ცინცაძეს მარჯვენა ფეხის დაზიანებული ლატერალური მენისკის მენისკეკტომია (ამოკვეთა) გაუკეთდა. მათე რამდენიმე დღეში რეაბილიტაციის კურსს დაიწყებს, ხოლო 6 კვირის შემდეგ სრული დატვირთვით შეძლებს ვარჯიშს.

“დინამოს” ოფიციალური ვებ-გვერდის ცნობით, ახალგაზრდა ნახევარმცველი კლინიკაში კლუბის დირექტორმა მიხეილ ხუციშვილმა და ტექნიკურმა დირექტორმა ლევან ზუხბაიამ მოინახულეს.