ლიდერებში ყველაფერი უცვლელია

პირველი ნახევარი თანაბრად წარიმართა, რაც ტაბლოზეც აისახა. 24-ე წუთზე ანტუან გრიზმანის შორეული მანძილიდან გატანილ გოლს, ოთხ წუთში დენის ჩერიშევმა უპასუხა.

მეორე ტაიმში კი, დიეგო სიმეონემ საკუთარი ვიზავი დაჯაბნა და სწორი შეცვლების ხარჯზე საკუთარ გუნდს 3 ქულა ააღებინა. მან მოედანზე ფერნანდო ტორესი და იენიკ ფერეირა კარასკო შეუშვა, რომლებმაც გოლები გაიტანეს და “როხიბლანკოს” მნიშვნელოვანი გამარჯვება მოუპოვეს – 1:3.

იოლად მოიგო “ბარსელონამ”, რომელმაც “იპარუაზე” გაისეირნა. კატალონიელებმა ბასკებს თითო ტაიმში ორ-ორი ბურთი გაუტანეს. პირველ ნახევარში მუნირ ელ ჰადადიმ და ლიონელ მესიმ გაიტანეს, ხოლო მეორე ტაიმში მესიმ დუბლი გაიფორმა, ერთი ბურთი კი ლუის სუარესის ანგარიშზეა – 0:4.

“ბარსელონა” 72 ქულით პირველ ადგილზეა, “ატლეტიკოს” 64 ქულა აქვს, ხოლო “რეალს” – 60.

“ბილბაომ” სტუმრად “ხიხონს” აჯობა, “სელტას” გადაუწრო და მე-6 საფეხურზე წამოსკუპდა. ბასკთაგან გოლებით ბენიატ ეჩებერია და ოსკარ დე მარკოსი გამოირჩნენ.

53-ე წუთიდან 10 კაცით მოთამაშე “ბეტისმა” საკუთარ კედლებში “გრანადა” დაამარცხა. ანდალუსიური დერბის ბედი ბოლოსკენ გადაწყდა: 85-ე წუთზე მასპინძლები ნ’დიაიემ დააწინაურა, ხოლო მსაჯის მიერ მე-5 დამატებულ წუთზე რუბენ კასტრომ ჯარიმიდან გაიტანა – 2:0.

“სოსიედადმა” შინ ბოლო ადგილოსანი “ლევანტე” მიიღო და გაუთვალისწინებელი ქულები დაკარგა. ბასკები მე-14 წუთზე დიეგო რეიესმა დააწინაურა, თუმცა 10 წუთში დეივერსონმა გაათანაბრა და როგორც შემდგომ გაირკვა, საბოლოო ანგარიში დააფიქსირა – 1:1.

ბეტისი – გრანადა 2:0 (0:0)

სევილია, “ბენიტო ვილამარინი”

ბეტისი (4-2-3-1): ადანი, ბ.გონსალესი, პაცელა, ვარგასი, მონტოია, სებალიოსი (პეტროსი 56), ნ’დიაიე, ფ.რუისი (ხოაკინი 52), სეხუდო (მოლინა 31), მუსონდა, რ.კასტრო.
მწვრთნელი: ხუან მერინიო

გრანადა (4-4-2): ა.ფერნანდესი, ბაბინი, რ.კოშტა, ბირაგი, მ.ლოპეში (ფოლქიერი 68), რ.პერესი (ფ.რიკო 79), დაკური, საკსესი, როჩინა, პენარანდა (ბარალი 55), ელ არაბი.
მწვრთნელი: ხოსე მანუელ გონსალესი

გოლები: 1:0 ნ’დიაიე (85), 2:0 რ.კასტრო (95)
გაფრთხილებები: პაცელა, ვარგასი, ბ.გონსალესი, მოლინა – პენარანდა, რ.პერესი, საკსესი, მ.ლოპეში, ბარალი, რ.კოშტა, როჩინა
გაძევებები: ვარგასი (53), ა.ფერნანდესი (93)
მსაჯი: იგლესიას ვილანუევა

ეიბარი – ბარსელონა 0:4 (0:2)

ეიბარი, “იპარუა”

ეიბარი (4-4-2): რიესგო, პანტიჩი, რამისი, ხუნსა, კაპა, დ.გარსია, რადოშევიჩი, ესკალანტე (ჰაიროვიჩი 84), ადრიანი, ენრიჩი (ინუი 90), ბასტონი (ბერხონი 68).
მწვრთნელი: ხოსე ლუის მენდილიბარი

ბარსელონა (4-3-3): ბრავო, პიკე (ბარტრა 80), მასკერანო, ალვეში, ალბა, ბუსკეტსი (ვერმაელენი 80), თურანი (რობერტო 80), რაკიტიჩი, მესი, ელ ჰადადი, ლ.სუარესი.
მწვრთნელი: ლუის ენრიკე

გოლები: 0:1 ელ ჰადადი (8), 0:2;0:3 მესი (41;76;), 0:4 ლ.სუარესი (84)
გაფრთხილებები: რადოშევიჩი, რამისი, დ.გარსია – ლ.სუარესი, მასკერანო
მსაჯი: უნდიანო მალენკო

ხიხონი – ბილბაო 0:2 (0:1)

ხიხონი, “ელ მოლინონი”

ხიხონი (4-2-3-1): კუელარი, მერე, ლ.ერნანდესი, კანელია (ი.ლოპესი 77), ვრანჟესი, აიტ-ატმანე, მასკარელი, ნდი (მენენდეში 66), ხონათანი (კ.კასტრო 66), ჰალილოვიჩი, სანაბრია.
მწვრთნელი: აბელარდო ფერნანდესი

ბილბაო (4-2-3-1): ირაისოსი, ლაპორტე, ეჩიტა, ბალენსიაგა, დე მარკოსი, ბენიატი, სან ხოსე, რ.გარსია, მუნიაინი (მერინიო 66), სუსაეტა (გურპეგი 78), ადურისი (ერასო 72).
მწვრთნელი: ერნესტო ვალვერდე

გოლები: 0:1 ბენიატი (27), 0:2 დე მარკოსი (59)
გაფრთხილებები: ვრანჟესი – ლაპორტე, ბალენსიაგა
გაძევება: ლაპორტე (74)
მსაჯი: დელ სერო გრენდე

სოსიედადი – ლევანტე 1:1 (1:1)

სან-სებასტიანი, “ანოეტა”

სოსიედადი (4-3-3): რული, დ.რეიესი, ი.მარტინესი, ელუსტონდო, ბერჩიჩი, პრიეტო (გრანერო 46), პარდო (ბრუმა 71), ილარამენდი, ოიარზაბალი, ველა, ჯონათასი.
მწვრთნელი: ეუსებიო საკრისტანი

ლევანტე (4-4-2): მარინიო, ფედალი, მედჯანი, ი.ლოპესი, ტონიო (ხუანფრანი 84), ვერდუ (სიმაო 76), ლერმა, ვერზა, მორალესი, როსი (რ.გარსია 66), დეივერსონი.
მწვრთნელი: რუბი

გოლები: 1:0 დ.რეიესი (14), 1:1 დეივერსონი (24)
გაფრთხილებები: პრიეტო, ელუსტონდო, გრანერო – ფედალი, ი.ლოპესი, ვერზა
მსაჯი: პერეს მონტერო

ვალენსია – ატლეტიკო 1:3 (1:1)

ვალენსია, “მესტალია”

ვალენსია (4-3-3): ალვეში, მუსტაფი, სანტოსი, სიკეირა, კანსელო, ე.პერესი (ბარბოსა 46), ფუეგო (ნეგრედო 84), გომეში, ჩერიშევი (როდრიგო 61), ფეგული, ალკასერი.
მწვრთნელი: გარი ნევილი

ატლეტიკო (4-1-4-1): ობლაკი, ლ.ერნანდესი, ხიმენესი, ხუანფრანი, ლუისი, კრანევიტერი (ფ.ტორესი 63), საული, გაბი, კოკე, გრიზმანი (ო.ტორესი 88), ვიეტო (კარასკო 69).
მწვრთნელი: დიეგო სიმეონე

გოლები: 0:1 გრიზმანი (24), 1:1 ჩერიშევი (28), 1:2 ფ.ტორესი (72), 1:3 კარასკო (85)
გაფრთხილებები: სანტოსი, ფეგული – ვიეტო
გაძევება: სანტოსი (80)
მსაჯი: ალვარეზ იზკუერდო

ირაკლი ალიმბარაშვილი

თეგებილა ლიგა