ბრემენის “ვერდერის” თავდამსხმელი კლაუდიო პიზარო ბუნდესლიგის ისტორიაში ყველაზე ხანდაზმული ჰეთთრიკის ავტორი გახდა. ინფორმაციას Opta ავრცელებს.

პერუელმა ფეხბურთელმა “ლევერკუზენთან” სტუმრად მოგებულ (4:1) მატჩში გოლები 55-ე, 65-ე და 83-ე წუთებზე გაიტანა. სამხრეთამერიკელამდე რეკორდი მანფრედ ბურგსმიულერს ეკუთვნოდა. გერმანელმა სამი გოლი 36 წლის ასაკში გაიტანა.

მიმდინარე სეზონში პიზარომ ბუნდესლიგაში 21 მატჩი ჩაატარა და თავი 10 გატანილი გოლით გამოიჩინა.