საქართველოს უმაღლესლიგელი "ზუგდიდის" შემადგენლობაში უკრაინელი ლეგიონერი იური შეველი ჩაირიცხა. როგორც "ზუგდიდის" პრესსამსახური იტყობინება, 28 წლის შემტევმა კლუბთან კონტრაქტი ივნისის ბოლომდე გააფორმა.

შეველს მცირე ხნით საქართველოში ლანჩხუთის "გურიაში" უთამაშია. კარიერის განმავლობაში კი კიევის "დინამო 2"-ში, "ოდესაში", უნგრულ "სპარტაკუსში", მოლდოვურ "დაჩიასა" და "ოლიმპიაში" გამოდიოდა.

"ზუგდიდი" მიმდინარე სეზონში უმაღლეს ლიგაში ადგილის შენარჩუნებისთვის იბრძვის - 18 ტურში მოპოვებული 9 ქულით ბოლოსწინა მე-15 ადგილზე იმყოფება.