მასპინძლებმა გაისეირნეს

“ატლეტიკომ” საკუთარ მოედანზე “სოსიედადი” მიიღო, 3 უპასუხო გოლი გაუტანა და “ბარსელონასთან” სხვაობა დროებით 5 ქულამდე შეამცირა. მასპინძლები მთელი მატჩის განმალობაში უდიდეს უპირატესობას ფლობდნენ და ანგარიშიც რეალურად ასახავს მოედანზე განვითარებულ მოვლენებს. მადრიდელებმა პირველი ნახევარი დიეგო რეიესის ავტოგოლით მოიგეს, თუმცა თავისუფლად შეიძლებოდა, რომ სხვაობა უფრო დიდი ყოფილიყო.

მეორე ტაიმის დასაწყისშივე საულ ნიგუეზმა მეორე ბურთი გაიტანა, ხოლო 61-ე წუთზე ანტუან გრიზმანმა მის მიერ გამომუშავებული პენალტი გოლად აქცია და ყოფილი კლუბის წვალებას ბოლო მოუღო - 3:0.

დღის მეორე მატჩში “ლას პალმასი” “გრან კანარიაზე” “ხეტაფეს” დაუხვდა და მოულოდნელად, ძალიან იოლად დაამარცხა. მასპინძლებმა ორივე ტაიმში ორ-ორი გოლი აკმარეს მეტოქეს. საწყის 45 წუთში ვილიან ჟოზემ და ჯონათან ვიერამ გაიტანეს, ხოლო მეორე ნახევარში ტანაუსუ გამოირჩა დუბლით – 4:0.

ატლეტიკო – სოსიედადი 3:0 (2:0)

მადრიდი, “ვისენტე კალდერონი”

ატლეტიკო (4-4-2): ობლაკი, ხიმენესი, გოდინი (ლ.ერნანდესი 55), ლუისი, ხუანფრანი, გაბი (ო.ტორესი 76), ა.ფერნანდესი, საული, კოკე, გრიზმანი (კორეა 62), ვიეტო.
მწვრთნელი: დიეგო სიმეონე

სოსიედადი (4-2-3-1): რული, მ.გონსალესი, დე ლა ბელა, ელუსტონდო, ლიტრი (ველა 59), ილარამენდი, რეიესი, გრანერო (პარდო 59), ბრუმა (ე.გონსალესი 82), პრიეტო, ჯონათასი.
მწვრთნელი: ეუსებიო საკრისტანი

გოლები: 1:0 რეიესი (8), 2:0 საული (46), 3:0 გრიზმანი (61 პენ.)
გაფრთხილებები: ა.ფერნანდესი – ჯონათასი, გრანერო
მსაჯი: ალეხანდრო ერნანდესი

ლას პალმასი – ხეტაფე 4:0 (2:0)

ლას პალმასი, “გრან კანარია”

ლას პალმასი (4-1-4-1): ვარასი, ბიგასი (ვალერონი 81), აიტამი, გარიდო, დ.გარსია, მესა, ვიერა (მონტორო 68), ვაკასო (ელ ჟარი 15), ტანაუსუ, მომო, ვ.ჟოზე.
მწვრთნელი: კიკე სეტიენი

ხეტაფე (4-2-3-1): გუაიტა, კალა, ვერხინი, ა.პერეირა, ბუენდია, ლასენი, მედრანი, ვანდერსონი (ვაზკესი 56), სარაბია (მ.გომესი 62), იოდა, სცეპოვიჩი (ლეონი 70).
მწვრთნელი: ფრან ესკრიბა

გოლები: 1:0 ვ.ჟოზე (7), 2:0 ვიერა (28 პენ.), 3:0;4:0 ტანაუსუ (49;83)
გაფრთხილებები: ბიგასი, აიტამი, მესა, ვ.ჟოზე – ლასენი, ა.პერეირა, ვაზკესი
გაძევება: ა.პერეირა (65)
მსაჯი: მელერო ლოპესი

ირაკლი ალიმბარაშვილი

თეგებილა ლიგა