რუსეთის დედაქალაქ მოსკოვში სტარტი აიღო ტრადიციულმა საჭადრაკო ტურნირმა, რომელიც “აეროფლოტის ღია პირველობის” სახელითაა ცნობილით. ქართველთაგან მასში ძალებს ვაჟთა ნაკრების ლიდერი ბაადურ ჯობავა (2676) სცდის.

ქართველი მოჭადრაკე ელიტარულ A ლიგაში ჩაება და პირველ ტურში მარცხი განიცადა. ბაადურმა შავი ფიგურებით რუს ალეკსეი გოგანოვთან (2575) წააგო. მე-2 ტურში ჯობავა თეთრებით ჩინელ იინგლუ ქსუს (2518) ეთამაშება.

ცნობისთვის, Aeroflot Open 2016-ის A ტურნიში 86 მოჭადრაკე თამაშობს, შეჯიბრი კი 9 ტურად მიმდინარეობს და 9 მარტს დასრულდება.

სოლიდურია საპრიზო ფონდიც (65 ათასი ევრო), საიდანაც გამარჯვებული 18 ათასს მიიღებს, მე-2 პოზიციაზე გასულს 10 ათასი ერგება, მესამეადგილოსანი კი 7 ათასს მიიღებს.