იტალიის სერია A-ს ბინადარი “რომა” შესაძლოა სეზონის ბოლოს სიმბოლომ, დანიელე დე როსიმ დატოვოს. როგორც “გაძეტა დელო სპორტი” გვამცნობს, 32 წლის ნახევარმცველს თავისთან ამერიკული ლოს ანჟელეს “გალაქსი” ეპატიჟება და სარფიან წინადადებასაც სთავაზობს. საუბარია, წელიწადში 7 მილიონ ევროზე.

დე როსის, რომელიც “რომას” აკადემიის აღზრდილია, “ჯალოროსისთან” კონტრაქტი 2017 წლის 30 ივნისს ეწურება. მას აქამდე “მგლების” გარდა სხვა გუნდში არ უთამაშია, “რომაში” მისი დებიუტი ჯერ კიდევ 2002-2003 წლების სეზონში შედგა და მას შემდგომ გუნდის უცვლელი ფიგურაა. მეტიც, 2009 წლიდან მოყოლებული ფრანჩესკო ტოტის შემდეგ კაპიტანია.