2016 წლის სეზონის მეორე საშინაო თამაშამდე 48 საათზე ნაკლები დრო რჩება. 27 თებერვალს, 17 საათზე ბორჯღალოსნები შინ, მიხეილ მესხის სტადიონზე ესპანეთს ერკინებიან.
შეგახსენებთ, რომ მატჩის ბილეთების შეძენა შესაძლებელია, როგორც ონლაინ ვებ-გვერდზე TKT.GE/Rugby , ასევე მესხის სტადიონისა და ფილარმონიის სალაროებში ყოველდღე 11-დან 19 საათამდე. ბილეთის ფასი 3 და 5 ლარი.
წარსული რკენები
შაბათს მესხზე ჩვენსა და ესპანეთს შორის მე-17 რკენა გაიმართება. ურთიერთშეხვედრების ისტორია 2000 წლიდან იღებს სატავეს. 16 შეხვედრაში 12-ჯერ ბორჯღალოსნებმა იმარჯვეს, 3-ჯერ ეპსანელებმა მოგვიგეს და ერთხელაც რკენა ფრედ დასრულდა.
შინ ‘ლეონესი’ ყოველთვის, 8-ჯერვე დაგვიმარცხებია; მესხის სტადიონზე წინა ორ ჩამოსვლაზე - ბარაქიანი ანგარიშებითაც - 60:0 (2011) და 61:18 (2013)
სამატჩო რაზმში იგივე შერკინებით
ესპანეთთან ბორჯღალოსანთა შერკინების დამწყები რვეული იგივეა, რაც ორი კვირის წინ, პორტუგალიაში გვეყენა. ხაზში კი ორი სიახლეა - ცენტრში, მერაბ შარიქაძის ნაცვლად იწყებს გარემარბი თამაზ მჭედლიძე, რომელსაც სამწვრთნელო შტაბი შუამარბათაც მოისაზრებს. მჭედლიცის ნაცვლად ფრთაზე მარქაფიდან დაწინაურდა გიორგი აფციაური. შარიქაძეს ფეხის კუნთი აქვს დაჭიმული და სამწვრთნელო შტაბმა მისი დასვენება გადაწყვიტა.
პირველი სანაკრებო კეპის მოხვეჭის შესაძლებლობა აქვს მარქაფაში მყოფ ლელო სარასენსისა და მზარდ საქართველოში ორი კეპის მქონე მეორე-ხაზელ ნოდარ ჭეიშვილს, ვინც თუ მოედანზე შევა, დასაბამიდან (1989 წლიდან) 238-ე ბორჯღალოსანი შეიქნება
სტატისტიკურ ჭრილში 90-ე კეპებს მიითვლიან ვეტერანი ბექები - მერაბ კვირიკაშვილი და დავით კაჭარავა. მეკო თუ 19 ქულას მოკრეფს, ‘ერთა თასი - რაგბი ევროპის’ მონაწილეთაგან პირველი დაძლევს 700-იან მიჯნას. შალვა სუთიაშვილი მეათედ უკაპიტნებს ნაკრებს.
კომენტარებით მილთონ ჰეიგი
„წელს ერთა თასზე ვისთანაც ვითამაშეთ მათთაგან ესპანეთი ყველაზე რთული მეტოქეა. ორი ძალიან კარგი შეხვედრა გამართეს რუსეთთან და რუმინეთთან და თავისუფლად შეიძლება ითქვას, რომ ძლიერი გუნდია.
„მიუხედავად ამისა, ჩვენ ჩვენი მიზნები გვაქვს - გვინდა მუდვივად ვაუმჯობესოდ და შევინარჩუნოთ თამაშის ხარისხი, განსაკუთრებით სახლში, ჩვენი ერთგული ქომაგების წინაშე!
„ორიოდ დაშავებული მორაგბე გვყავს და მათ კონდიციას ვაკვირდებით. თუცა დარწმუნებით შემიძლია განვაცხადო, რომ თითოეულ პოზიციაზე საკმარისად გვაქვს სიღრმეები და ვინც არ უნდა ითამაშოს დარწმუნებული ვარ, რომ თავის თავსა და ქვეყანას პატივით წარმოადგენს."
საქართველოს ბორჯღალოსნები
"რაგბი ევროპის" ჩემპიონატი 2016 * ესპანეთი * შაბ 27/02 ვაკე, მესხი @ 17.00
| No | სახელი და გვარი | კლუბი | დაბ | ბრჯ | მონაგარი |
| უკანა ხაზი [ბექები] | |||||
| 15 | მერაბ კვირიკაშვილი | მონლიუსონ [სფრ ფედ2] | 1983 | 89 | 13ლ 116გ 125ჯ 3ა [681 ქ] 4სბ |
| 14 | გიორგი აფციაური | არმია [საქ დ 10] | 1994 | 16 | : |
| 13 | დავით კაჭარავა | ენისეი [რუს სუპერ] | 1985 | 89 | 17ლ [4 კაპ] სბ |
| 12 | თამაზ მჭედლიძე | აჟენ [სფრ ტოპ 14] | 1993 | 36 | 4ლ |
| 11 | სანდრო თოდუა | ლელო სარასენს [საქ დ 10] | 1987 | 52 | 5ლ 2სბ |
| 10 | ლაშა ხმალაძე | ლელო სარასენს [საქ დ 10] | 1988 | 41 | 6ლ 4გ [38 ქ] |
| 9 | ვასილ ლობჟანიძე | არმაზი [საქ დ 10] | 1996 | 12 | : |
| შერკინება [ფორვარდები] | |||||
| 1 | მიხეილ ნარიაშვილი | მონპელიე [სფრ ტოპ 14] | 1990 | 34 | 2ლ სბ |
| 2 | შალვა მამუკაშვილი | გლაზგო [შტლ პრო 12] | 1990 | 37 | 3ლ |
| 3 | დუდუ ქუბრიაშვილი | მონპელიე [სფრ ტოპ 14] | 1986 | 41 | 2ლ წბ 2სბ |
| 4 | გიორგი ჩხაიძე | ლილ [სფრ ფედ1] | 1981 | 88 | 10ლ [1 კაპ] 6სბ |
| 5 | გიორგი ნემსაძე | ტარბ [სფრ პრო დ2] | 1984 | 56 | 10ლ 3სბ |
| 6 | შალვა სუთიაშვილი^კაპ | ანგულემ [სფრ ფედ1] | 1984 | 54 | 2ლ [9 კაპ] 3სბ |
| 7 | გიორგი თხილაიშვილი | ბათუმი [საქ დ 10] | 1991 | 26 | 5ლ სბ |
| 8 | ლაშა ლომიძე | ბეზიე [სფრ პრო დ2] | 1992 | 17 | 4ლ სბ |
| მარქაფა [სათადარიგოები] | |||||
| 23 | გიორგი ფრუიძე | ქუთაისის აია [საქ დ 10] | 1994 | 6 | : |
| 22 | ლაშა მალაღურაძე | ბოლნისის ყოჩები [საქ დ 10] | 1986 | 64 | 4ლ 36გ 25ჯ 3ა [176 ქ] 2სბ |
| 21 | გიორგი ბეგაძე | ბოლნისის ყოჩები [საქ დ 10] | 1986 | 42 | 2სბ |
| 16 | ზურაბ ჟვანია | სტად ფრანსეზ [სფრ ტოპ 14] | 1991 | 21 | 8ლ 2სბ |
| 17 | კახა ასიეშვილი | ბრივ [სფრ ტოპ 14] | 1987 | 18 | ლ |
| 18 | ანტონ ფეიქრიშვილი | ბეიონ [სფრ პრო დ2] | 1987 | 18 | 2ლ სბ |
| 19 | ნოდარ ჭეიშვილი | ლელო სარასენს [საქ დ 10] | 1990 | 0 | : |
| 20 | ბექა გორგაძე | მონ’დე’მარსან [სფრ პრო დ2] | 1996 | 4 | ლ სბ |
|
| |||||
| უფროსობა | |||||
|
| მილთონ ჰეიგ | მთავარი მწვრთნელი | [ზელ] |
|
|
|
| ლევან მაისაშვილი | მწვრთნელი |
|
|
|
|
| მაიქლ ბრედლი | მწვრთნელი | [ირლ] |
|
|
|
| ირაკლი ხუნდაძე | მენეჯერი |
|
|
|
www.rugby.ge
