საქართველოს უმაღლესი ლიგის მეჩვიდმეტე ტურის შეხვედრაში, თბილისის “ლოკომოტივის” წინააღმდეგ, “დინამოს” მიკრო-ტრავმების გამო ვერ დაეხმარნენ მათე ცინცაძე და გიორგი ქვილითაია.
დინამოელთა ოფიციალური ვებ-გვერდის ცნობით, ქვილითაიამ 22 თებერვლის ვარჯიშზე ნეკნი დაიზიანა და უახლოეს დღეებში ჩადგება მწყობრში. როგორც ირკვევა, თამაში ვირუსის გამო გამოტოვა ვახტანგ ჭანტურიშვილმა.
ჯერჯერობით, გუნდს ვერ ეხმარებიან ესპანელი ნახევარმცველი მიკელ ალვარო და ახალგაზრდა მარჯვენა მცველი ოთარ კაკაბაძეც.
ალვარო ვარჯიშს ხვალიდან შეუდგება. რაც შეეხება კაკაბაძეს, რომელმაც ტრავმის გამო თურქული შეკრებაც გამოტოვა, ის წვრთნას ორიოდ დღეში განაახლებს.
