იტალიური “რომას” ვიცე კაპიტანი დანიელე დე როსი მომდევნო ერთი თვის განმავლობაში მოედანზე გასვლას ვერ შეძლებს. როგორც “რომას” ვებგვერდზეა ნათქვამი, დანიელე მინიმუმ 4 კვირა იძულებით დაისვენებს, რაც იმას ნიშნავს, რომ ვეტერან ნახევარმცველს ჩემპიონთა ლიგაზე მადრიდის “რეალთან” საპასუხო მატჩი გაუცდება და ამავდროულად, არც ფლორენციის “ფიორენტინასთან” 4 მარტს გასამართ შეხვედრაში იქნება, რომელიც “ჯალოროსისთვის” ძალზე მნიშვნელოვანი თამაშია.

დე როსიმ მიმდინარე სეზონში ყველა ტურნირის ჩათვლით 25 მატჩი ჩაატარა და მეტოქეთა კარში 3 გოლი გაიტანა. იგი, “რეალთან” შეხვედრამდე დაშავდა, რის გამოც ესპანურ გრანდთან მხოლოდ შეცვლაზე, 13 წუთი ითამაშა, მაგრამ როგორც ჩანს, ტრავმა გაუმიზეზდა.