ინგლისური “მანჩესტერ იუნაიტედის” მთავარ მწვრთნელის თანამდებობაზე ლუის ვან გაალის ჟოზე მოურინიოთი შეცვლას ბრიტანელი ჟურნალისტები გადაწყვეტილ საკითხად მიიჩნევენ და ამ ცვლილებას უკვე მიმდინარე თვეში ელიან.

როგორც გამოცემა The Sun-ი ირწმუნება, მანჩესტერული კლუბის ხელმძღვანელობა ჰოლანდიელ სპეციალისტს აღარ ენდობა და მისთვის სეზონის ბოლომდე შანსის მიცემას არ აპირებს.

გასულ უქმეებზე ინგლისის ჩემპიონატის ბოლო ტურში “იუნაიტედი” “სანდერლენდთან” დამარცხდა (1:2) და ჩემპიონთა ლიგის ზონაში მოხვედრის ამოცანა მნიშვნელოვნად გაირთულა.