2016 წლის სანაკრებო სეზონის ესტაფეტას "ბორჯღალოსნები" შაბათს, 13 თებერვალს, პორტუგალიის წინააღმდეგ მატჩით გააგრძელებენ.
საქართველოს დროით 18:30 საათზე "ლობუში" ლისაბონის უნივერსიტეტის სტადიონზე გვიმასპინძლებს. მატჩის პირდაპირ რეპორტაჟს საზოგადოებრივი მაუწყებლის პირველი არხი შემოგვთავაზებს, ხოლო ონლაინ-სტრიმი "რაგბი ევროპის" პორტალ Rugbyeurope.tv-ზე განხორციელდება.
ბორჯღალოსნები კვირას გაემგზავრნენ ლისაბონში, სადაც მათ დუდუ ქუბრიაშვილი და ვახტანგ მაისურაძე დაემატნენ.
წარსული რკენები
აქამდე ბორჯღალოსნები და ‘ლობუშად’ (მგლები) ცნობილი პორტუგალიელები ერთმანეთს 19-ჯერ ერკინენ. ურთიერთ-შეხვედრების ბალანსი 13 მოგებით, 4 წაგებითა და 2 ფრით ჩვენს მხარესაა. ჯამური ანგარიშია 440:265 (ლელოებით 51/16). "რაგბი ევროპის" ჩემპიონატის მეორე ტურის მეტოქესთან ბოლოს 11 წლის წინ დავმარცხდით. მას აქეთ შედგა 12 მატჩი - 10 მოგება და 2 ფრე, თანაც 2010 წლიდან მოყოლებული ლუზიტანებს ვაჯობეთ ზედიზედ 6-ჯერ.
რაზმი
მილთონ ჰეიგმა გერმანიასთან მოთელვის შემდეგ რაზმი გადაახალისა: 23 კაცში ხუთი მოთამაშეა, ვისაც სტარტზე არ უთამაშია.
სამი სიახლეა უკანა ხაზში: 15 ნომრად იწყებს ვეტერანი, საუკეთესო მექულე (667) მეკო კვირიკაშვილი; გარემარბად - თამაზ მჭედლიძე, შუამარბად კი - მერაბ შარიქაძე დაბრუნდა. სამივენი ბოლო წლებში ძირითადის უცვლელი წევრები იყვნენ.
მარჯვენა ბურჯად დაგვიბრუნდა დუდუ ქუბრიაშვილი, ვისაც მსოფლიო თასი ტრავმის გამო გაუცდა, შერკინების შემკვრელად კი მარქაფიდან დაწინაურდა ლაშა ლომიძე, ვინაც გერმანიას ორი ლელო დაუდო.
მეხუთე ‘ახალი’ - მხტომელი ვახტანგ მაისურაძეა, რომელიც ამჯერად რეზერვშია. სანაკრებო შტაბმა იქვე გადასვა გერმანიასთან სამი დამწყებიც, ზოგადი შთაბეჭდილება კი ისაა, რომ ლობუშთან, როგორც უფრო ძლიერ მეტოქესთან, უკეთესი გუნდი გაგვყავს.
ამ მატჩში ‘მრგვალ’ კეპს არავინ იხვეჭს, ისე კი გერმანიასთან დავით კაჭარავა დაეწია ‘მეკოს’ (88) და გიორგი ჩხაიძეც (87) კვალში უდგას ლიდერებს.
„გვიხარია, რომ რამდენიმე მორაგბემ მოიშუშა ტრავმა და მონაწილეობას მიიღებს ამ მნიშვნელოვან მატჩში. ჩვენი უკანა ხაზი ძალიან კარგ ფორმაშია და მოუთმენლად ველით მსოფლიო თასის შემდეგ მათ თამაშს. ასევე სასიხარულოა, რომ დუდუ ქუბრიაშვილი და ვახტანგ მაისურაძე დაგვემატნენ – ისინი პორტუგალიასთან გუნდურ თამაშს მნიშვნელოვან წვლილს შემატებენ.
„პორტუგალია ტრადიციულად უხერხული და რთული მეტოქეა, განსაკუთრებით – ლისაბონში. აქედან გამომდინარე, გერმანიის თამაშზე დაშვებული შეცდომები აუცილებლად უნდა გამოვასწოროთ, განსაკუთრებით – დაცვაში“ - განაცხადა მილთონ ჰეიგმა.
საქართველოს ბორჯღალოსნები
"რაგბი ევროპის" ჩემპიონატი 2016 * პორტუგალია * შაბ 13/02 ლისაბონი, უნივერსიტეტი @ 18.30 საქ
| No | სახელი და გვარი | კლუბი | დაბ | ბრჯ | მონაგარი |
| უკანა ხაზი [ბექები] | |||||
| 15 | მერაბ კვირიკაშვილი | მონლიუსონ [სფრ ფედ2] | 1983 | 88 | 12ლ 113გ 124ჯ 3ა [667 ქ] 4სბ |
| 14 | თამაზ მჭედლიძე | აჟენ [სფრ ტოპ 14] | 1993 | 35 | 4ლ |
| 13 | დავით კაჭარავა | ენისეი [რუს სუპერ] | 1985 | 88 | 17ლ [4 კაპ] სბ |
| 12 | მერაბ შარიქაძე | ორიაკ [სფრ პრო დ2] | 1993 | 40 | 7ლ [1 კაპ] |
| 11 | სანდრო თოდუა | ლელო სარასენს [საქ დ 10] | 1987 | 51 | 5ლ 2სბ |
| 10 | ლაშა ხმალაძე | ლელო სარასენს [საქ დ 10] | 1988 | 40 | 6ლ 4გ [33 ქ] |
| 9 | ვასილ ლობჟანიძე | არმაზი [საქ დ 10] | 1996 | 11 | : |
| შერკინება [ფორვარდები] | |||||
| 1 | მიხეილ ნარიაშვილი | მონპელიე [სფრ ტოპ 14] | 1990 | 33 | 2ლ სბ |
| 2 | შალვა მამუკაშვილი | გლაზგო [შტლ პრო 12] | 1990 | 36 | 3ლ |
| 3 | დუდუ ქუბრიაშვილი | მონპელიე [სფრ ტოპ 14] | 1986 | 40 | 2ლ წბ სბ |
| 4 | გიორგი ჩხაიძე | ლილ [სფრ ფედ1] | 1981 | 87 | 10ლ [1 კაპ] 6სბ |
| 5 | გიორგი ნემსაძე | ტარბ [სფრ პრო დ2] | 1984 | 55 | 10ლ 3სბ |
| 6 | შალვა სუთიაშვილი^კაპ | ანგულემ [სფრ ფედ1] | 1984 | 53 | 2ლ [8 კაპ] 3სბ |
| 7 | გიორგი თხილაიშვილი | ბათუმი [საქ დ 10] | 1991 | 25 | 4ლ სბ |
| 8 | ლაშა ლომიძე | ბეზიე [სფრ პრო დ2] | 1992 | 16 | 4ლ სბ |
| მარქაფა [სათადარიგოები] | |||||
| 23 | გიორგი აფციაური | არმია [საქ დ 10] | 1994 | 15 | : |
| 22 | ლაშა მალაღურაძე | ბოლნისის ყოჩები [საქ დ 10] | 1986 | 63 | 4ლ 36გ 25ჯ 3ა [176 ქ] 2სბ |
| 21 | გიორგი ბეგაძე | ბოლნისის ყოჩები [საქ დ 10] | 1986 | 41 | 2სბ |
| 16 | ზურაბ ჟვანია | სტად ფრანსეზ [სფრ ტოპ 14] | 1991 | 20 | 7ლ 2სბ |
| 17 | კახა ასიეშვილი | ბრივ [სფრ ტოპ 14] | 1987 | 17 | ლ |
| 18 | ანტონ ფეიქრიშვილი | ბეიონ [სფრ პრო დ2] | 1987 | 17 | 2ლ სბ |
| 19 | ვახტანგ მაისურაძე | ალბი [სფრ პრო დ2] | 1987 | 24 | 2ლ |
| 20 | ბექა გორგაძე | მონ’დე’მარსან [სფრ პრო დ2] | 1996 | 3 | ლ სბ |
| უფროსობა | |||||
| მილთონ ჰეიგ | მთავარი მწვრთნელი | [ზელ] | |||
| ლევან მაისაშვილი | მწვრთნელი | ||||
| მაიქლ ბრედლი | მწვრთნელი | [ირლ] | |||
| ილია მაისურაძე | მწვრთნელი | ||||
| ირაკლი ხუნდაძე | მენეჯერი | ||||
www.site.rugby.ge
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია
ხვალ ისე უნდა გავიმარჯვოთ რომ არანაირი კითხვის ნიშანი არ დარჩეს არავის.
გამარჯვება ბიჭებო ! ! !
რაგბი ჩვენი თამაშია ! ! !
პორტუგალიის ფონზე უძლიერესი შემადგენლობაა და დიდი ანგარიშით უნდა მოუგოთ რაც შეიძლება
ბექა გორგძე მომეწონა წინა თამაშში, დაიხვეწება და კარგი მორაგბე დადგება..წარმატებები ბიჭებს
აიადან რატომ არავინ მიიწვიეთ ააა
Гадкий утёнок из Тбилиси
0?'>http://rugger.info/news/page3/5682':'>http://rugger.info/news/page3/5682'))
-----------------------------------------------------------------------
Грузины сыграют с новозеландцами и японцами?
')>0?'>http://rugger.info/news/page3/5677':'>http://rugger.info/news/page3/5677'))
ამჯერად ოფლის ღვრის გარეშე უნდა მოვუგოთ
უეჭველი
კი
ნოემბრის ტესტებზე უკვე გადაწყვეტილი შოტლანდიის გარდა, ძალიან დიდი ალბათობით ვეთამაშებით იაპონიას და ახალი ზელანდიის მეორე ნაკრებს ანუ "მაორებს". ხოლო ზაფხულში "თბილისის თასი"-ს ნაცვლად თითქმის გადაწყვეტილია, რომ ოკეანეთში ვითამაშებთ 3 ტესტს: ფიჯისთან, ტონგასთან და სამოასთან.
შენ გაიხარე, ძალიან კარგი ამბავია.
ვაა, რა კარგი ამბავია
მაგარია
გადასარევია
მე როგორც დავასკვენი, ჰეიგი ჯერ თავს იკავებს ახალგაზრდების მასობრივი დაწინაურებისგან. სიმართლე რომ ვთქვათ, ფრუიძემ და მისმა საძმომ ჯერჯერობით ბოძებული ავანსები ვერ გაამართლეს (ყოველ შემტხვევაში, გერმანიასთან ასე ჩანდა) და ჯობია, ჯერ 20 წლამდელებში დაიხვეწონ. თანაც, წაბორძიკების უფლება არ გვაქვს რადგან რეიტინგში დიდი ვარდნა გველის და ამიტომ ჰეიგიც გამოცდილ ხალხს ენდობა. ახალგაზრდებს შორის ერთადერთი გამონაკლისი ბექა გორგაძეა და მან ეს დაიმსახურა (ვასკა არ ითვლება რადგან ის უკვე ძირითადის მყარი მოთამაშეა)
კიდე უნდა მოსინჯოს
გამართლებაა უკვე რომ მიგიწვევენ,აი გუნდს სერწყმა კი უკვე თამაშებში მოვა
არა თუ მოგება, არამედ სოლიდური სხვაობით გვმართებს გამარჯვება. ამ შემადგენლობით სხვა ვარიანტს არ განვიხილავთ. ერთა თასზე რუმინეთი გარდა ყველასთან დამაჯერებელი ანგარიშით გვამრთებს მოგება, თუ გვინდა პრეტენზია გვქონდეს უკეთესზე...
კაკოვინს არ უპირებენ ამ ტურნირზე გამოძახებას? ისე კარგი შემადგენლობაა. ხალხს ეგონა რაგბი ევროპაზე დუბლებით გავალთო, მაგრამ აბსოლუტურად ვეთანხმები ჰეიგს - ახალბედების პორციული და ფრთხილი ინექციების გაკეთებაში.. ეროვნულ ნაკრებს უკვე თავისი პრესტიჟი და სახელი აქვს და ყველგან ღირსეულად უნდა წარდგეს. მითუმეტეს არ არის ჩვენთვის იოლი მეტოქე
კაჭი და მეკო ნელნელა მიუახლოვდნენ 90 თამაშს ნაკრებშიი, მეკოს 89 გაუხდება ხვალ და კაჭის 88
ყველაზე მეტი მაგათ აქვთ ხო?
ამჯერად ოფლის ღვრის გარეშე უნდა მოვუგოთ
დამაჯერებლად უნდა მოიგონ ჩვენმა ბიჭებმაა
იქნება კიდეც
საკმაოდ ძლიერი შემადგენლობა არის შეკრებილი და ამ შემადგენლობამ დიდი ანგარიშით უნდა დაამარცხოს პორტუგალიაა